Aýǵanstandaǵy zilzala: Qazaqstan qoldaý kórsetedi

Jerasty dúmpýleri kór­shiles Badǵıs jáne Fa­rah provınsııalaryn­da da sezilgen. Tipti mu­ny Túrikmenstan  astanasy Ash­habad turǵyndary da ań­ǵarǵan. AQSh geolo­gııa­lyq qyzmetiniń málimetinshe, Geratta joıqyn silkinis birneshe ret 8 mınýttyq jıilikpen qaıtalanǵan. Jerasty dúmpýleriniń magnıtýdasy 4,6-dan 6,3 balǵa deıin tirkelgen. Al te­reńdigi shamamen 10 shaqy­rym bolǵan. Sońǵy derek boıynsha apat saldarynan 1300-den asa úı qıraǵan.

Tabıǵı apattarǵa qarsy kúres mınıstrliginiń ókil­deri sońǵy aftershok 70 myń halqy bar Zında Jan qalasynyń soltústik-shy­ǵysynan 30 shaqyrym jer­de tirkelgenin aıtty. Zilzaladan aýdandaǵy tórt eldi meken qatty zardap shekken. Dúnıejúzilik densaýlyq saqtaý uıymy óńirge jaraqattanǵandardy aýrýhanaǵa evakýa­sııalaý úshin 12 járdem kóligin jibergen. Marqumdar medısınalyq mekemeler men áskerı bólimderge jetkizilip jatyr.

Qazir provınsııada telefon baılanysy úzi­lip, zardap shekken aýdandar­dan tolyq aqparat alý qıyn­ǵa soǵyp tur. Talaı tur­ǵyn úıindilerdiń astynan áli shyǵarylǵan joq. О́ńirde áli izdestirý-qut­qa­rý jumystary júrip ja­tyr. Osy oraıda Aýǵans­tan bıligi ózge memleket­ter men halyqaralyq uıym­dardan kómek sura­dy. Bul týraly tabıǵı apat­­tarǵa qarsy kúres mı­nıs­trliginiń resmı ókili Ja­nan Saık málimdedi.

«Zardap shekkenderge dári-dármekter, qajetti zat­tar, shatyrlar áli de je­­tis­peı jatyr. Biz joı­qyn jer silkinisiniń zarda­byn meılinshe azaıtý úshin ulttyq jáne halyqara­lyq uıymdardan, ózge memleketterden qoldan kelgenshe kómek kórsetýdi suraımyz. Ár eldi qabyl­dap, qarsy alamyz», dedi Janan Saık.

Memleket basshysy Qasym-Jomart Toqaev­tyń tapsyrmasyna sáıkes Qazaqstan alapat jer silkinisi bolǵan Aýǵanstanǵa shuǵyl gýma­nı­tarlyq kómek jiberýdi uıǵardy. Bul másele úki­mettik komıssııanyń otyrysynda talqylandy. Zil­zaladan zardap shekkenderge azyq-túlik taýarlary, shatyrlar, dári-dármekter, kıim-keshek jáne basqa da qajetti zattar jiberiledi. Júkter jaqyn arada áýe jáne temirjol kóligimen jóneltiledi. Sondaı-aq úıin­diler astynda qal­ǵan adamdardy qut­qa­rý úshin Tótenshe jaǵ­daı mı­nıstrliginiń qutqarý­shy­lary, sonyń ishinde kı­no­log mamandar da barmaq­shy.

Seısmıkalyq oqıǵalar­dyń oshaǵy Geratta 272 myń halyq bar. El bıligi bul zilzalany keıingi 20 jyldaǵy eń qaýiptisi deıdi. Jergilikti bılik aımaqta izdeý-qutqarý jumystary áli aıaqtalmaǵanyn aıta­dy. Sondyqtan Gerat den­saýlyq saqtaý depar­ta­menti ókili qaza tapqan­dardyń sany artýy múmkin dep boljap otyr. Jalpy, Aýǵanstan halqy jer silki­nisinen jıi zardap shegedi. О́tken jyldyń maýsym aıynda Paktıka aımaǵynda 5,9 baldyq zilzaladan myńnan astam adam qaza taýyp, ondaǵan myń halyq bas­panasyz qalǵan edi.

Aýǵanstandaǵy jer silkinisinen Qazaqstan azamattary zardap shekken joq. Bul týraly brıfıngte Syrtqy ister mınıs­trliginiń resmı ókili Aıbek Smadııarov málimdedi.

«Dıplomattarymyz zar­­dap shekken joq. El­shi­­lik Aý­ǵanstan astanasy Kabýl qalasynda ornalasqan. As­tanasynda aıtarlyqtaı ter­belis bola qoımady. Zar­dap shekkender men qaza bolǵandar arasyndaǵy Qazaqstan azamattary týraly aqparat ta kelip túspedi. Eshqandaı ótinish bolmady. Eger qandaı da bir ótinish bolsa, jedel habarlaımyz. Osy qıyn sátte qaza bolǵandar men zardap shekkenderdiń otbasylaryna, sonymen qa­tar búkil aýǵan halqyna shyn júrekten kóńil aıtamyz. Aýǵanstannyń jaraqat alǵan barlyq azamatyna tezirek saýyǵyp ketýin tileımiz», dedi Aıbek Smadııarov.