Akademııalyq adaldyq lıgasy – elimizdegi joǵary jáne joǵary oqý ornynan keıingi bilim berý uıymdarynyń birlestigi. Lıga eldegi bilim berý sapasyn ilgeriletý jáne damytý maqsatynda osydan 5 jyl buryn qurylǵan bolatyn.
Lıga júrgizetin joǵary oqý oryndarynyń reıtınginde túlekterdiń ortasha jalaqysy, jumysqa ornalasý deńgeıi jáne jumys izdeý uzaqtyǵy, sondaı-aq túlekterdiń saraptamalyq baǵasy men mansaptyq áleýeti sııaqty birqatar obektıvti kórsetkish qamtylady. Reıtıngti anyqtaý úshin Ǵylym jáne joǵary bilim mınıstrligi usynatyn ýnıversıtettik oqý baǵdarlamalarynyń sapasy týraly resmı aqparat paıdalanylady. Aqparatty «Atameken» ulttyq kásipkerler palatasy jınap, óńdeıdi. Palata jaýapty mınıstrliktiń tapsyrysy boıynsha ýnıversıtetterdiń bilim berý baǵdarlamalarynyń jyl saıynǵy reıtıngin jarııalap turady.
Ǵylym jáne joǵary bilim mınıstrligi taratqan aqparatqa súıensek, lıga jarııalaǵan reıtıng mynadaı formýla boıynsha júrgiziledi: bilim berý baǵdarlamalary tıimdiliginiń ortasha baǵasyna bilim berý baǵdarlamalarynyń reıtıngindegi orny, básekelester sany, bilim berý baǵdarlamalarynyń sany áser etedi. Ýnıversıtet pozısııalaryn esepteýdiń bul tásili birneshe baǵdarlamasy bar joǵary oqý oryndaryn da ádil salystyrýǵa septesedi. Reıtıngtegi kóshbasshylar – bilim berý baǵdarlamalarynyń ortasha tıimdiligi basqa oqý oryndarymen salystyrǵanda joǵary ýnıversıtetter. Reıtıng joǵary oqý oryndaryn óz baǵdarlamalaryn jetildirýge yntalandyryp, túlekteriniń eńbek naryǵyndaǵy tabysty bolashaǵyna qyzyǵýshylyqtaryn arttyrý úshin júrgiziledi.
Akademııalyq adaldyq lıgasynyń reıtıng nátıjesine negizdele jasalǵan elimizdiń TOP-10 ýnıversıteti: 1) Qazaqstan-Brıtan tehnıkalyq ýnıversıteti (ortasha baǵa 91,59%); 2) M.Nárikbaev atyndaǵy KAZGUU ýnıversıteti (91,04%); 3) Qazaqstan-Nemis ýnıversıteti (84,45%); 4) KIMEP ýnıversıteti (84,34%); 5) Ǵ.Dáýkeev atyndaǵy Almaty energetıka jáne baılanys ýnıversıteti (78,20%); 6) Halyqaralyq aqparattyq tehnologııalar ýnıversıteti (76,61%); 7) L.N.Gýmılev atyndaǵy Eýrazııa ulttyq ýnıversıteti (72,75%); 8) Q.Sátbaev atyndaǵy Ekibastuz ınjenerlik-tehnıkalyq ınstıtýty (70,57%); 9) Narhoz ýnıversıteti (69,73%); 10) M.Qozybaev atyndaǵy Soltústik Qazaqstan ýnıversıteti (67,75%).
Reıtıng nátıjeleri aqparattyq-taldamalyq dashbord formatynda usynylǵan. Onyń kómegimen talapker reıtıngtegi joǵary oqý oryndarynyń pozısııalarymen tanysyp qana qoımaı, sonymen qatar ortasha jalaqy, jumysqa ornalasýdyń ortasha deńgeıi jáne túlekterdiń jumys izdeý uzaqtyǵy boıynsha joǵary oqý oryndarynyń naqty bilim berý baǵdarlamalaryn salystyra alady. Bul ýnıversıtet pen mamandyqty tańdaý kezinde durys sheshimdi qabyldaýǵa kómektesedi.
