Jábirlenýshilerdiń aıtýynsha, beımálim azamat naýryz-shilde aıy aralyǵynda aqshalaı syıaqy bergenderge memlekettik baǵdarlama boıynsha páter satyp alýǵa kómektesýge ýáde bergen. Alaıda qarjyny qaltaǵa basqan ol turǵyndardy taqyrǵa otyrǵyzǵan.
Azamattar kúdiktige eń az degende 800 myń teńge usynsa, keıbir turǵyndar úsh mıllıon teńgeni oılanbaı sanap bergen. Jalpy shyǵyn kólemi shamamen 15 mıllıon teńgeni quraıdy.
«Osy derekke qatysty QR QK-niń 190-baby 3-bóligi (alaıaqtyq) boıynsha sotqa deıingi tergeý amaldary bastaldy.
Polısııa qyzmetkerleri jedel-izdestirý is-sharalaryn júrgizý kezinde osy sanattaǵy qylmysy úshin buryn sotty bolǵan tarazdyq 43 jastaǵy áıel azamatshany ustady.
Kúdikti óz kinásin tolyq moıyndady, qazirgi ýaqytta ýaqytsha ustaý ızolıatoryna qamaqqa alyndy. Sondaı-aq, óńir aýmaǵynda osyndaı qylmystarǵa qatystylyǵy anyqtalatyn bolady», delingen oblystyq polısııa departamentiniń baspasóz qyzmeti taratqan aqparatta.
