Búgin forýmnyń bas seriktesi «Altyn Qyran Foundation» qoǵamdyq qory jáne Ulttyq sport qaýymdastyǵy qonaqtarǵa arnap sporttyq baǵdarlama uıymdastyrdy. Baǵdarlama barysynda olar ulttyq qundylyqtarymyzben etene tanysty. Atap aıtqanda, Ulttyq sport qaýymdastyǵy men Salalyq sport federasııalarynyń mamandary ulttyq oıyndardan (toǵyzqumalaq, asyq atý, sadaq atý, qyz qýý, aýdaryspaq, kókpar, qusbegilik) qoıylym kórsetti. Sondaı-aq qonaqtardyń nazaryna qolóner sheberleri jasaǵan ulttyq buıymdar da usynyldy.
Qoıylym aldynda sóz alǵan Ulttyq sport qaýymdastyǵynyń prezıdenti Islambek Saljanov:
«Kezekti ret uıymdastyrylyp otyrǵan «Otandastar forýmy» shetelderdegi qazaq uıymdarynyń basyn qosatyn asa aýqymdy jıyn. «Altyn Qyran Foundation» qoǵamdyq qory jáne Ulttyq sport qaýymdastyǵy osyndaı irgeli jobaǵa qoldaý kórsetýdi ózine asa zor mártebe sanaıdy. Barshańyzǵa málim, ulttyq sporttyń artynda ultymyzdyń tarıhy, salt-dástúri, namysy men rýhy tur. Ulttyq sport qaýymdastyǵy ata-babadan qalǵan qasıetti murany damytýǵa bar kúshin salyp otyr. Otany birdiń – tilegi bir! Bereke-birligimizben Qazaqstannyń memlekettigin nyǵaıta túsemiz degen senimdemin», dedi.
Sondaı-aq qaýymdastyq prezıdenti qandastardy kelesi jyly Astanada ótetin V Dúnıejúzilik kóshpendiler oıynyna shaqyrdy.
