О́tken týrda Máskeý oblysynyń «Vıtıaz» komandasynan overtaımda (3:2) jeńilgen soń «Barys» komandasynyń basshylyǵy Andreı Skabelkany qyzmetinen bosatyp, Belarýs mamanynyń ornyna otandyq jattyqtyrýshy Ǵalym Mámbetalıevti bas bapkerdiń mindetin atqarýshy etip taǵaıyndaǵan bolatyn. Mámbetalıev klýb tizginin ustaǵan kúnniń ertesine QHL-degi alǵashqy resmı oıynyn Chelıabiniń «Traktorymen» ótkizip, «Barysqa» jeńis syılady. Elordadaǵy «Barys Arena» sport kesheninde ótken tartysty matchta jerlesterimiz qarsylastarynan 2:1 esebimen basym tústi.
6 myńǵa jýyq jankúıer tamashalaǵan oıynnyń esebin aıdyn ıeleri ashty. Alǵashqy kezeń aıaqtalar tusta «Barys» klýbynyń 19 jastaǵy tárbıelenýshisi mergendik tanytyp, sport keshenine jınalǵan jankúıerlerdi qýantsa, úzilisten keıin Arkadıı Shestakov san basymdyǵyn tıimdi paıdalanyp, esepti 2:0-ge jetkizdi. Ekinshi kezeńniń sońynda qonaqtar sapynan Charlz Robınson dáldik tanytyp, esep aıyrmasyn qysqartqanymen, úshinshi kezeńde esep ózgerissiz qaldy. Osylaısha, «Barys» qazan aıyndaǵy alǵashqy jeńisine qol jetkizdi. Endi elorda komandasy kelesi oıynyn búgin «Barys Arenada» Máskeýdiń «Dınamosymen» ótkizedi.
