Qala kóshelerin patrýldeý barysynda áskerı jasaq bastyǵy qatardaǵy Dáýren О́mirbek jáne patrýldeýshiler qatardaǵy Dáýir Áshimbek pen Dosymjan Dáýlethan kúmándi áreket jasaǵan belgisiz tulǵalarǵa nazar aýdarady. Kólikten túsken eki azamat aınalasyna jaltaqtap, qardyń astynan belgisiz zatty alyp, oqıǵa ornynan boı tasalaýǵa tyrysqan.
Jaǵdaıdy jedel baǵalaǵan ulandyqtar dereý olardy qýýǵa kirisip, kúdiktilerdiń birin ustady. Al qalǵan ekeýi qashyp úlgergen. Oqıǵa týraly áskerı jasaqtar kezekshisine jedel túrde baıandaldy. Kezekshi 102 nómiri arqyly polısııa qyzmetkerlerine habarlady.
Ulttyq ulan men «Analar júregi»: Áskerdegi baqylaý qalaı ózgeredi?
Atalǵan fakt boıynsha materıaldar tergeý-jedel tobyna tapsyrylyp, ustalǵan azamat zańnamaǵa sáıkes ýaqytsha ustaý ızolıatoryna qamaldy.
Bul oqıǵa Ulttyq ulan áskerı qyzmetshileriniń joǵary daıarlyǵy men qyraǵylyǵyn aıqyn kórsetedi. Kún saıyn qoǵamdyq tártipti qamtamasyz etip júrgen ulandyqtar esirtkiniń zańsyz aınalymyna qarsy kúreske eleýli úles qosyp júr.
Aıta keteıik, 2025 jyly esirtki zattaryn zańsyz saqtaý jáne tasymaldaýdyń 56 deregi quqyqtyq tártip áskerleriniń arqasynda anyqtalyp, tirkelgen.
