Bul bastama erikti, óteýsiz donorlyq mádenıetin damytýǵa, sondaı-aq qoǵamdaǵy jaýapkershilik, ózara kómek jáne gýmanızm qundylyqtaryn nyǵaıtýǵa baǵyttalǵan.
Qan donorlyǵy – bul jaı ǵana bir rettik aksııa emes, ómirdi qutqarýǵa, densaýlyq saqtaý júıesin qoldaýǵa baǵyttalǵan, sondaı-aq erikti túrde qatysý, janashyrlyq pen jaýapkershilik sııaqty asyl qundylyqtarǵa negizdelgen turaqty qoǵamdyq qozǵalys bolmaq.
Máıittik donor búldirshinniń ómirin aman alyp qaldy
«Memleket basshysy volonterlar forýmynda atap ótken «Taza Qazaqstan» aksııasy – bul tek qorshaǵan ortanyń tazalyǵy ǵana emes, sonymen qatar árbir azamattyń júrek tazalyǵy, jaýapkershilik sezimi men qoǵam ıgiligi úshin qosqan úlesi. Erikti qan donorlyǵy osy qundylyqtarmen tolyq úndesedi. Aqpan aıynda elimizdiń barlyq óńirlerinde aqparattyq-túsindirý sharalary, taqyryptyq aksııalar, donorlarmen jáne seriktestermen kezdesýler uıymdastyrylyp, qan ortalyqtarynda arnaıy baǵdarlamalar ótkizý josparlanyp otyr. Bul is-sharalarda jastardy tartýǵa erekshe kóńil bólinedi», dep atap ótti mınıstr.
Osy aksııa aıasynda kez kelgen azamat jaqsylyq jasaýǵa nıet bildirip, óz óńirindegi qan ortalyǵyna baryp, erikti túrde qan tapsyra alady.
Qazaqstan Ortalyq Azııadaǵy jańa donor retinde tanyla bastady
Búgin Densaýlyq saqtaý mınıstri elordalyq qan ortalyǵynda donor bolyp, donorlyq qozǵalystyń mańyzdylyǵyn jeke úlgisi arqyly kórsetti.
Qazaqstanda jyl saıyn 180 myńnan astam azamat donor atanyp, olar jalpy alǵanda qan men onyń komponentterin 250 myńnan astam ret tapsyrady.
Jyl saıyn 80 myńnan astam pasıentke qan komponentteri quıylady, al jalpy transfýzııalar sany jylyna shamamen 400 myńǵa jetedi.
