Foto: Aqorda
Memleket basshysy qarjy ınstıtýtynyń negizi qalanǵanyna 20 jyl tolýymen quttyqtady.
Qasym-Jomart Toqaev Eýrazııalyq damý banki strategııalyq mańyzy bar jobalardy iske asyrýda Qazaqstannyń basty seriktesteriniń biri ekenine nazar aýdardy.
Nıkolaı Podgýzov Memleket basshysyna EADB boljamyn tanystyrdy. Soǵan sáıkes, bıyl elimizdiń ishki jalpy óniminiń ósimi 5,5 paıyzdan kem bolmaıdy. Buǵan ınvestısııanyń qarqyny, aýqymdy ınfraqurylymdyq baǵdarlamalar, sondaı-aq ishki suranys pen áleýmettik kórsetkishterdiń turaqtylyǵy áser etedi.
Memleket basshysy: «Taza Qazaqstan» jalpyulttyq jobasynyń túpki máni – qoǵamdyq sanany jańǵyrtý
Prezıdentke banktiń 2022-2026 jyldar aralyǵynda júzege asyrǵan strategııasy aıasynda jalpy ınvestısııa kólemi 9,2 mıllıard dollarǵa jetkeni jóninde málimet berildi. Qazaqstan ekonomıkasyna 5,2 mıllıard dollar qarjy quıyldy. Bul – banktiń ótken 15 jylda salǵan ınvestısııasymen parapar.
Atap aıtqanda, 2,1 mıllıard dollar ónerkásipti damytýǵa, 1 mıllıard dollar energetıka salasyna, 1 mıllıard dollar kólik ınfraqurylymyna, 1,1 mıllıard dollar qarjy sektoryna baǵyttaldy. Sıfrlandyrýdy damytýǵa jáne jasandy ıntellekt tehnologııasyn engizýge aıryqsha mán berilip otyr.
Qasym-Jomart Toqaev pen Shavkat Mırzııoev beıresmı kezdesý ótkizedi
Memleket basshysy qarjy ınstıtýty qyzmet kórsetetin aımaqtardyń aıtarlyqtaı keńeıgenin atap ótti. Prezıdenttiń pikirinshe, bul jańa bastamalardy iske asyryp, óńirlik ekonomıkalyq ıntegrasııany nyǵaıtýǵa yqpal etedi.
Kezdesý sońynda Qasym-Jomart Toqaev pen Nıkolaı Podgýzov Qazaqstan ekonomıkasyn ornyqty damytý maqsatynda strategııalyq seriktestik pen ınvestısııalyq yntymaqtastyqty odan ári arttyrýǵa nıetti ekenin rastady.
Toqaev: Joǵary memlekettik marapattar tizimine «Ál-Farabı» ordeni engiziledi
