Foto: Oqý-aǵartý mınıstrligi
Qazaqstan qurama komandasynda Almaty qalasyndaǵy NZM oqýshylary Nurıslam Turǵynbaı, Nursultan Janzaqov, Sergeı Gaponov, Dámeli Shaımerdenova, Imanáli Kóksal boldy. Ulttyq qurama bapkerleri – Bekzat Ińkárov pen Nurdáýlet Dosmaǵambet.
Elimizdiń ár túkpirinen 200 oqýshy arasynan ulttyq kezeńde iriktelgen myqty komanda Sıngapýrǵa kelip, álem chempıonatynda upaı kórsetkishimen rekord ornatqanyn tilge tıek etken USTEM Foundation qoǵamdyq qorynyń jetekshisi Asylbek Myrzahmetov sonymen qosa, komandanyń halyqaralyq yntymaqtastyq úshin tóreshilerdiń marapattaryna ıe bolýy úlken maqtanysh ekenin hám Qazaqstanda robototehnıka jyl ótken saıyn halyqaralyq brendke aınalyp kele jatqanyn atap ótti.
Jyl saıyn ártúrli elde ótetin FIRST Global Challenge olımpıadalyq úlgidegi jahandyq robototehnıka chempıonatyna bıyl 190-nan astam el qatysqan.
Eske salsaq, robototehnıka olımpıadasynyń irikteý kezeńderi sheńberinde Ulttyq qurama Oqý-aǵartý mınıstrliginiń qoldaýymen jasaqtalǵan.
