Foto: ashyq derekkóz
Senat tóraǵasy áýeli Álemdik jáne dástúrli dinder lıderleri Seziniń jıyrma jyldyǵymen quttyqtady. Forým osy ýaqyt ishinde jahandyq dinaralyq jáne órkenıetaralyq dıalogtyń mańyzdy platformasyna aınalǵanyn sóz etti.
«О́tken jıyrma jylda álemdik jáne dástúrli dinder lıderleri, memleket jáne qoǵam qaıratkerleri, halyqaralyq uıymdardyń ókilderi Qazaqstannyń dinaralyq dıalogty damytý jónindegi bastamalaryna úlken qoldaý kórsetti. Forýmnyń mıssııasy men maqsattaryn iske asyrýǵa zor úlesterin qosty. Sondyqtan Sezdiń barlyq qatysýshylaryna aıryqsha alǵysymyzdy bildiremiz. Búginde Hatshylyqtyń otyrystary Sezd jumysynyń mańyzdy bóligine aınaldy. Bizdiń kezdesýlerimiz qashanda senim men ashyqtyq prınsıpterine negizdeledi. Sol arqyly eń ózekti máselelerdi konstrýktıvti túrde talqylaý ıgi dástúr retinde qalyptasty», dedi M.Áshimbaev.
Sezd Hatshylyǵynyń HHI otyrysyna qatysý úshin Astanaǵa 22 elden 28 delegasııa keldi. Olardyń arasynda buǵan deıingi Sezder men otyrystarǵa qatysyp júrgen, sondaı-aq, qazaq eliniń astanasyna alǵash ret kelgen meımandar bar.
«Jalpy, bizdiń ár otyrysymyzda Sezd ıdeıalary men maqsattaryn iske asyrýdyń baǵyt-baǵdary aıqyndalady. Sondyqtan Hatshylyqtyń búgingi otyrysy da mazmundy ári nátıjeli ótedi dep senemin», dedi Senat tóraǵasy.
