Qazaqstan • 11 Qazan, 2023

Ulttyq ulan avıasııasy Aýǵanstanǵa kómek kórsetedi

330 ret

kórsetildi

1 mın

oqý úshin

Memleket basshysynyń tapsyrmasy boıynsha Aýǵanstanda bolǵan joıqyn jer silkinisiniń saldaryn joıýǵa kómek kórsetý úshin kúshtik vedomstvolardyń ókilderi, onyń ishinde QR Ulttyq ulanynyń áskerı qyzmetshileri jiberiledi, dep habarlaıdy Egemen.kz Ishki ister mınıstrligine silteme jasap.

Shyńǵys MUQAEV

Ulttyq ulan avıasııasy Aýǵanstanǵa kómek kórsetedi

Foto: gov.kz

Esterińizge salaıyq, 7 qazanda Aýǵanstannyń Gerat provınsııasynda bolǵan zilzala saldarynan qazaǵa ushyraǵandar sany 2400-den asyp, 2 myńdaı ǵımarat pen qurylys nysandary qıraǵan.

Shymkent áýejaıynan zardap shekkenderge tabystalatyn gýmanıtarlyq kómekti áýe arqyly tasymaldaý úshin Y8F200W bortynyń ekıpajy Gerat qalasyna bet aldy. 8 adamnan turatyn ekıpajdy tájirıbeli ushqysh – bort komandıri Qurmanǵalı Topanov basqarady.

«Astanadan, Shymkentten medısınalyq buıymdar men dárilik apparattar jóneltildi. Almatydan shatyrlar tıeldi. Bizde bundaı tájirıbe bar. Bıyl aqpan aıynda Ulttyq ulan avıasııasy Sırııa men Túrkııaǵa gýmanıtarlyq júkterdi jetkizýge jumyldyrylǵan. Jalpy, biz sol kezde 6 reıs jasadyq. Geratqa deıingi qazirgi ushý shamamen 3 saǵatty alady, al qashyqtyq 1300 km-di quraıdy. Qoıylǵan mindet oryndalady. Gýmanıtarlyq júk Aýǵanstanǵa jetkiziledi», dedi áýe kemesiniń komandıri Qurmanǵalı Topanov.