Máselen, qazir «Ekibastuz kómiriniń» baǵasy 12 500 teńgeden 14 000 myń teńgege deıin ózgerip tur. «Shubarkól kómiriniń» baǵasy 16 600 teńgeden 19 000 teńgege deıin qubylady. Eń qymbaty – «Qarajyra kómiri», onyń baǵasy 20 myń teńgege deıin barady. Al «Maıkóbe kómiri» 15 myń teńgeden 18 myń teńgege deıin ózgerýde. V.Lýkınniń aıtýyna qaraǵanda, kómirdiń baǵasy shekten shyǵyp ketse, ákimdik básekelestikti qorǵaý jáne damytý jónindegi quzyretti organǵa tapsyrma berip, qymbattatýdyń negizdiligin teksertedi.
Oblystyń aýyldyq eldi mekenderindegi jekemenshik úılerde turatyn turǵyndarǵa 419 myń tonna kómir qajet bolsa, ókinishke qaraı, sonyń 200 myń tonnasy ǵana jetkizilgen. Bul másele alańdaýshylyq týdyrady. Oblys ákimdigi men «Júk tasymaldaý» AQ kómir tasýshy vagondardyń kelýine monıtorıng jasap otyr. Kelgen kómirdiń oblys aımaqtaryna taratylýy úshin tasymaldaýshylarmen 228 myń tonnany tasýǵa kelisimshart jasalǵan.
Oblys aýmaǵynda kómir qabyldaıtyn 32 tirek bar, qazir olarda qordalanǵan kómirdiń kólemi – 51 myń tonna. Aýyl turǵyndaryna kómir taratý jeltoqsan aıyna deıin júrgiziledi.
«Oblys ortalyǵyn jylýmen qamtamasyz etetin «Sevkazenergo» AQ qaraıtyn JEO-2 qoımalarynda qazir 215 myń tonna kómir, 600 myń tonnadan asa mazýt jınaqtalǵan, bul jylý-elektr stansasynyń bir aıǵa jaqyn jumys isteýine jetedi. Qalǵan kómir kestege sáıkes kelip túsedi», deıdi V.Lýkın.
