Eske sala ketsek, ótken jyldyń jeltoqsan aıynda Almatydaǵy karaoke-barlardyń birinde qonaqtar men mekeme qyzmetkerleri tóbelesken edi.
Sot otyrysy barysynda oqıǵaǵa qatysty jańa derekter de anyqtaldy. Sol kúni mekemeniń kúzetshileri men dı-djeıi, sondaı-aq barda bolǵan olardyń tanystary jábirlenýshilerdi ura bastaǵan, olar qashýǵa májbúr bolǵan. Alaıda jaýapkershilikke tartylǵandar olardy kóshede qýyp jetip, tóbelesti ári qaraı jalǵastyrǵan.
«Oqıǵa ornynda bes jábirlenýshiniń ekeýine aýyr jáne ortasha deńgeıde densaýlyǵyna zııan keltirilgen. Tóbeles kezinde sottalýshynyń biri sýyq qarý qoldanýǵa tyrysqan», dep habarlady sottyń baspasóz qyzmeti.
Aıta ketsek, otandyq akter Asqar Jumabek buǵan deıin de adam uryp-soqqany úshin qylmystyq jaýapkershilikke tartylǵan.
«Sottalýshylardyń kinási kýágerler men jábirlenýshilerdiń aıǵaqtary, sot saraptamasy qorytyndysy, beınebaqylaý kamerasyna túsip qalǵan beınejazbalar arqyly rastaldy», delingen habarlamada.
Alaıda sottalýshylar óz kinásin moıyndaýdan bas tartty.
Prokýror olardy 6 jyl merzimge bas bostandyǵynan aıyrýdy surady.
Sot úkimimen J., Q., T., S., R., N. jáne K. Qylmystyq kodekstiń 293, 106 jáne 107 baptary boıynsha kináli dep tanyldy.
Bárine 6 jáne 6,5 jylǵa bas bostandyǵynan aıyrý jazasy taǵaıyndaldy.
Asqar Jumabekti bas bostandyǵynan aıyrý túrindegi jaza 6 jyl 6 aı 15 kún merzimge taǵaıyndaldy. Oǵan qosa sottyń aldyńǵy úkimi boıynsha ótelmegen merzimine baılanysty oǵan taǵy 15 kún qosyldy.
