Bul – eki klýb arasyndaǵy keıingi bes jyldyqtaǵy úshinshi joldastyq kezdesý bolmaq. 2018 jyldyń 9 qyrkúıeginde Sankt-Peterbýrgte ótken «Qaırat» pen «Zenıt» klýbtarynyń alǵashqy oıynynda reseılik ujym Sebastıan Drıýssıdiń jalǵyz goly arqyly jeńiske jetse, 2020 jyly Túrkııadaǵy joldastyq matchta «Zenıt» 3:1 esebimen basym túsken edi. Bul oıynda «Qaırat» sapynan jalǵyz goldy Erkebulan Tuńǵyshbaev soqty. Al «Qaırat» pen «Zenıt» KSRO-nyń joǵary lıgasynda bir-birimen 57 oıyn ótkizgen.
Erteńge josparlanǵan úshinshi joldastyq kezdesýdi jankúıerler «QAZSPORT» jáne «Match TV» telearnalarynan tikeleı efırde tamashalaı alady. Match elorda ýaqytymen saǵat 17.00-de bastalady.
