Foto: assembly.kz
Temirjol salasy qyzmetkerleriniń ómirin jaqsartý baǵytynda kóptegen másele baryn alǵa tartqan senator jańa mınıstrlik qurylǵanyn eske saldy. Biraq bul memlekettik organ temirjolshylardyń negizgi máselelerin, onyń ishinde jalaqynyń tómendigin, turǵyn úıdiń joqtyǵyn jáne zeınetke shyǵý jasyn tómendetý máselesin áli sheshpegenin jetkizdi.
«О́ńirlerdegi temirjolshylardan alǵan málimetterge súıenetin bolsaq, eń tómengi sanattaǵy «baılanys jáne belgi berý» mamandarynyń qolǵa alatyn jalaqysy Aqtóbede jobamen 200 myń teńge, Qyzylordada 180 myń teńge, dál solaı eń tómengi sanattaǵy «jol jóndeýshiniń» jalaqysy Abaı oblysynda 160 myń teńge, Pavlodar oblysynda 205 myń teńge. Mınıstrlik pen óńirlerdegi temirjolshylardan alǵan aqparat eki túrli. Biz qaısysyna senemiz? Árıne, halyqtyń aqparatyna senemiz. «Qazaqstan temir joly» ulttyq kompanııasynyń jyldyq tabysyn, memleket tarapynan beriletin sýbsıdııany jáne ınflıasııany eskere otyryp, temir jol salasynyń qarapaıym jumysshylarynyń jalaqysyn kóterý kerek. Ekinshiden, temir jol salasyndaǵy qarapaıym jumysshylarǵa korparatıvtik kelisim nemese basqa tetikterdi qarastyra otyryp, 55 nemese 57 jastan zeınetke shyǵarýdy qamtamasyz etý kerek. Úshinshiden, temir jol qyzmetkerlerine arnalǵan turǵyn úı baǵdarlamasy ázirlenýi kerek, sondaı-aq baǵdarlamanyń tetikterin barlyq óńirlerge engizip, jergilikti atqarýshy organdarmen naqty algorıtmi jasalýy tıis», dedi G.Shıpovskıh.
Senat depýtaty elimizde temirjol salasynda 140 myńǵa tarta adam jumys isteıtinin, osy saladaǵy kúrmeýli máseleni ońtaıly sheshý qajettigin aıtty.
