Balalar aqyny Nurlan Qalqanyń bul kitaby – izdenis pen eńbektiń nátıjesi. Balalarsha oılaý, olardyń rýhanı suranysyn qanaǵattandyrý úshin, qazaq sózine qyzyqtyrý úshin túrli janrlardy qamtypty. «Atamura» baspasynan bıyl ǵana shyqqan «Jyl – on eki aı» jınaǵyna mektepke deıingi tárbıe jasyndaǵy baldyrǵandarǵa nemese bastaýysh synyp oqýshylaryna arnalǵan óleńder, sanamaqtar, jumbaq, jańyltpash, mysaldar toptastyrylǵan. Sonymen qatar bir shoǵyr tolǵaýlar men balladalar joǵary synyp oqýshylaryna arnalypty. Týǵan jerdi súıý, kópshil bolý, úlkenge qurmet, kishige izet kórsetý, jamandyqtan jırenip, jaqsylyqtan úırenýge úndeıtin taqpaqtardyń tili jeńil, uǵynyqty.
«О́z qylyǵyń tátti ǵoı,
Kámpıt qurtar tisińdi.
Tereń tanym, sátti oı,
Alǵa aparar isińdi», –
deıdi aqyn.
Munda ár áripke bir shýmaq taqpaqtan jazyp, álipbıdi túgendep shyǵypty. Sanamaq birden onǵa deıin, ár sanǵa – bir shýmaqtan. Birinshi bólimi aty aıtyp tur: «Balabaqsha – tanym shamshyraǵy», ekinshi bólim – «Mektep – bilim shańyraǵy» atalady. «Jyl – on eki aı», «Jyl mezgilderi» óz aldyna bólek. «Memlekettik merekeler» de umyt qalmapty. Úshinshi bólim – «Tanym. Taǵylym. Taǵzym», joǵary synyp oqýshylaryna laıyqtalǵan óleńder.
