Eýrazııalyq ekonomıkalyq odaqtyń erkin saýda týraly kelisimderi bar elderden ákelinetin taýarlardyń shyǵý tegin qujattamalyq rastaýdyń jeńildetilgen rásiminiń qoldanylý merzimin uzartý týraly sheshim qabyldandy. Buǵan deıin atalǵan múmkindik EAEO quqyǵynda 2023 jylǵy 31 jeltoqsanǵa deıin qarastyrylǵan bolatyn. Endi taǵy eki jylǵa uzartyldy.
Bıznes tarıftik preferensııalardy alý úshin túpnusqanyń ornyna taýardyń shyǵý tegi týraly sertıfıkattyń kóshirmesin usyný arqyly taýarlarynyń shyǵý tegin rastaı alady. Degenmen bıznes qujattyń túpnusqasyn tapsyrý talabynan bosatylmaıdy, tek alty aıǵa keıinge qaldyrylady.
Sonymen qatar birqatar qujatqa: Keden odaǵynyń «Shaǵyn kólemdi kemelerdiń qaýipsizdigi týraly» tehnıkalyq reglamentine osy qujattyń taralý aıasyn naqtylaý bóliginde jáne medısınalyq qoldanýǵa arnalǵan dárilik zattardy tirkeý jáne saraptaý qaǵıdalaryna ózgerister engizildi. Sońǵy qujatta 5 jyldan astam ýaqyt buryn tirkelgen dárilik preparattardyń merzimsiz tirkeý kýálikterin berý erejesi túzetildi.
EEK sheshimderine qatysty naqty áserdi baǵalaýdy (NÁB) júrgizý jáne EAEO sheńberindegi halyqaralyq sharttarǵa qatysty retteýshi áserdi baǵalaý júrgizý tártibi maquldanǵan. NÁB tıisti sheshim kúshine engen kúnnen bastap úsh jyl ótken soń ótkiziletin bolady.
Úderistiń ózi eki kezeńnen turady:
Birinshi kezeń – aǵymdaǵy baǵalaý. Bul – taraptardyń bıznes-qaýymdastyqtar ókilderimen jáne sharýashylyq júrgizýshi sýbektilermen jarııa keńester ótkizip, olardyń qorytyndylaryn shyǵarýy. Ýaqyt boıynsha birinshi kezeńge 90 kúnnen aspaıtyn merzim qarastyrylǵan: 60 kún – jarııa keńester úshin, 30 kún – kelip túsken eskertýler men usynystardy jınaqtaý úshin.
Ekinshi kezeń – qorytyndy baǵalaý. Bul naqty áserdi baǵalaý týraly qorytyndynyń ózin daıyndaý. Ol úshin
30 kúntizbelik kúnnen artyq emes ýaqyt qajet.
Sondaı-aq EEK Keńesinde kedendik, Tehnıkalyq retteý, qyzmetter kórsetý, aqparattyq ózara is-qımyl jáne basqa salalardaǵy ekonomıkalyq ıntegrasııany damytýǵa baǵyttalǵan birqatar másele qaraldy jáne qabyldandy.
