El qorǵaý – erdiń isi

Astanalyq qorǵanys isteri jónin­degi depar­tamenti men qala ákimdigi uıymdastyrǵan saltanatty is-sharaǵa Qor­ǵa­nys mınıstrliginiń, qor­ǵanys isteri jónindegi depar­ta­mentiniń basshylyǵy, qala ákiminiń orynbasary Eset Baıken, Aqmola óńir­lik gar­nızonynyń áskerı qyzmetshileri, Qarý­ly kúshterdiń jáne basqa mem­le­ketterdiń aýma­ǵyn­daǵy urys qımyl­daryna qatysqan ardagerler, «Jas­ sarbaz» áskerı-pat­rıot­tyq qozǵalysynyń tár­bıe­­lenýshileri, áskerge sha­qy­ry­lýshylar men olardyń ata-analary qatysty.

– Áskerı mamandyq qa­shan­da qur­­metke ıe, áıtse de onyń ózindik qıyndyqtary bar. Áskerı qyzmetshiniń mindeti – syndarly sátte el qorǵaýǵa daıyn bolý. Búginde Qarýly kúshter qatarynda ózderiń sııaqty kóptegen jas qyzmet etedi. Olar áskerı isti ıgere otyryp, kúsh-qýat turǵysynan shyńdalyp, nyǵaıdy. О́zde­rine degen senimi art­ty. Elimizge osyndaı bel­sen­di, ómirlik ustanymy qalyp­tasqan jastar qajet. Árqashan esterińde bolsyn, senderdiń jetistikteriń – ata-analaryńnyń, týys­ta­ryńnyń, otbasylaryńnyń jetistigi, demek ol elimizdiń jetistigi, – dep atap ótti Qor­ǵa­nys mınıstriniń oryn­­basary, general-leıtenant Sultan Qamaletdınov.

О́tken jyldan bastap Qorǵanys mınıstrligi jas­tardyń merzimdi áskerı qyzmetke degen yntasyn­ arttyrý maqsatynda nesıe­lik demalystar men áske­rı­ qyzmetten keıin UBT­ tap­syrmaı, joǵary bilim alýǵa múmkindik beretin jeńil­dikterdi iske asyryp keledi. Jıynda merzimdi qyzmetten zapasqa shyǵarylǵan áskerı qyzmetshilerge joǵary oqý oryndaryna túsý quqyǵyn beretin sertıfıkattar saltanatty jaǵ­­daıda tabys etildi. Sondaı-aq is-shara bary­synda «Amanat» rási­mi ótip, zapasqa shy­ǵa­rylǵan sarbazdar áskerge shaqyrylýshylarǵa abyroı men batyldyqty beı­ne­leı­tin qalqan men qylysh tartý etti.

«Qarýly Kúshterdiń arda­gerleri» RQB tór­aǵa­synyń orynbasary, ots­tav­kadaǵy general-maıor Marat Naǵumanov sóz alyp, jastarǵa aq batasyn berdi. Ol áskerge shaqy­ry­lýshylarǵa jańa ortaǵa tez beıim­de­lip, áskerı isti ıgerýde sáttilik ti­ledi. Aksııa aıasynda astanalyqtar úshin áskerı tehnıka men qarý-jaraq, áskerı kıim úlgisi men jabdyqtar kórmesi uıymdastyryldy. Sondaı-aq «Smart Sarbaz» úıirmeleri tár­bıe­lenýshileriniń robottehnıka salasyndaǵy ázirlemeleri usynyldy.