Mańǵystaý sýretshileri izgi jobany qolǵa alyp, ózderiniń biliktiligin arttyrý maqsatynda Astana qalasyna ekspedısııa uıymdastyrdy. Memlekettik grant aıasynda 2023 jyldyń mamyr-shilde aılary aralyǵynda «Otpantaý-Ulytaý» taqyrybyndaǵy sharany «Aqtaý qalalyq Sýretshiler odaǵy» qoǵamdyq birlestigi men Mańǵystaý oblysynyń mádenıet, muraǵattar jáne qujattama basqarmasy birlese uıymdastyrdy.
Atalǵan ekspedısııa aıasynda qylqalam sheberleriniń shyǵarmalaryn keń aýqymda tanytý úshin arnaıy irikteý júrgizildi. Astanada ár óńirden kelgen sýretshiler jumystarynyń «Kúzgi vernısaj» atty kórmesinde «Otpantaý-Ulytaý» sýretshiler ekspedısııasynyń jumysy qorytyndylandy. Sondaı-aq sýretshi Aımurat Tańatovtyń aıtýynsha, bıyl shildede mańǵystaýlyq sýretshiler Atyraý, Batys Qazaqstan, Qyzylorda jáne Túrkistan oblystaryna saparlap, kıeli oryndardy aralap, sheberlik synyptaryn ótkizgen.
– Ekspedısııa «Qorqyt ata – Qoja Ahmet Iаsaýı kesheni – Otpantaý – Saraıshyq – Bókeı ordasy» baǵyttaryn qamtydy. Ekspedısııa barysynda óńir sýretshileri osy tarıhı oryndarda plener uıymdastyrdy, – deıdi sýretshi A.Tańatov.
Bul elimizdiń kıeli óńirleri jańa kartınalarda beınelenedi degen sóz.
Mańǵystaý oblysy
