Konteıner aǵynynyń 5-8%-y Qazaqstanǵa tıesili

Eldegi temirjol ınfraqurylymyn jáne tranzıttik áleýetti damytý – «Qazaqstan temir joly» UK» AQ úshin kún tártibindegi basty másele. О́ıtkeni kompanııanyń negizgi kirisi osy tranzıttik tasymaldan túsetini málim. Naqty derekterge súıensek, Qytaı/Ońtústik Shyǵys Azııa jáne Eýropa arasyndaǵy konteıner aǵy­nynyń 5-8%-y Qazaqstanǵa tıe­sili eken.

 Atap aıtqanda, negizgi tranzıttik dáliz – Qytaı – Eýropa – Qytaı baǵyty. Bul aralyqty Qazaqstan, Reseı jáne Belarýs elderiniń temir­jol ákimshilikterinen qurylǵan OTLK ERA birlesken kásiporny júze­ge asyryp júr. Máselen, atalǵan úsh eldiń temirjoldary birlesken ká­sipornymen 2023 jyldyń birinshi jarty­jyldyǵynda 350 myń JFE ta­sy­maldanǵan. Bul kórsetkish ótken jyldyń esepti merzimimen sa­lys­­tyrǵanda 14%-ǵa artyq bolyp otyr. Eń kóp suranysqa ıe taýarlar: qu­ral-jabdyqtar, turmystyq tehnıka, qaǵaz jáne karton, sondaı-aq avtokólikter eken. Eksporttyq-ımporttyq qyzmetterde OTLK ERA tasymaldaýdyń 2/3 bóligin qurasa, taǵy 1/3 bóligi Qytaı – Eýropa – Qytaı tranzıttik qyzmetteriniń en­shi­sinde eken.

Qazirgi ýaqytta Qytaı – Eýropa – Qytaı temirjol baǵyty boıynsha 10 konteınerdiń 9-y OTLK ERA kom­panııasymen tasymaldanady. Kom­panııanyń Qazaqstandaǵy kon­teı­nerlik tasymaldaý naryǵyn­daǵy úlesi 50%-dan asady. Bul kompanııa 2023 jyldyń sońyna deıin 700 000 JFE tasymaldaýdy josparlap otyr. Buıyrtsa, taıaý bolashaqta negizgi baǵyt boıynsha bir mıllıon konteınerge jetý maqsaty josparda bar.

Negizinde Qazaqstan 2025 jylǵa deıin elimizdiń tranzıttik jáne kólik baǵyttaryn ártaraptandyrý jáne keshendi logıstıkalyq sheshimderdi engizý úshin 20 mıllıard dollar ınves­tısııalaýdy josparlap otyr. Sońǵy 15 jylda elimizdiń kólik salasyn damytýǵa 35 mlrd dollarǵa jýyq ınvestısııa salynǵan.