Foto: NUR.KZ
Onyń aıtýynsha, 29 qazan kúni saǵat 21:57-de 10 qalalyq qosalqy stansııada elektr qýaty isten shyqqan.
«Qalanyń oń jaǵalaýyndaǵy turǵyn úıler jaryqsyz qaldy. Saǵat 23.00-de áýejaı qosalqy stansııalary iske qosyldy. Saǵat 23.10-da Báıterek qosalqy stansııasy da jumys istedi. Túngi saǵat 2.00-ge deıin barlyq qosalqy stansııalar jumys istep turdy», dedi Astana qalasy ákiminiń birinshi orynbasary Nurlan Nurkenov.
Onyń aıtýynsha, JEO-2-de tehnologııalyq buzýshylyq bolmaǵan, ol shtattyq rejımde jumysyn jalǵastyrǵan.
«Tótenshe jaǵdaı jetekshi jelilerde boldy. Apat kabel úzilip, shkaftardyń biri órtenýi sebebinen bolǵan. Bul shtattan tys jaǵdaı boldy, túngi saǵat 2-de barlyq abonent elektr qýatymen qamtamasyz etildi. 2 saǵat boıy qalanyń oń jaǵalaýyndaǵy keıbir áleýmettik nysandar jaryqsyz qaldy. Barlyq medısınalyq nysan boıynsha dızel-generatorlar iske qosylyp, ýaqytsha jaryq berildi. Tótenshe jaǵdaı kezinde dızel reanımasııany jáne operasııalyq bloktardy qamtamasyz etti. Medısınalyq mekemelerdegi qyzmetke qaýip tóngen joq», deıdi ol.
