Foto: Astana ákimdigi
«Aýrýhanalar men perzenthanalarda oqys jaǵdaılar tirkelgen joq. Barlyq naýqas tolyq kólemde medısınalyq kómek aldy. Olardyń ómiri men densaýlyǵyna qaýip joq», dedi Astana qalasy ákiminiń birinshi orynbasary Nurlan Nurkenov.
Qaladaǵy barlyq aýrýhanada generatorlar bar. Olar elektr qýaty bolmaǵan kezde ózdiginen qosylady. Almaty jáne Baıqońyr aýdandarynyń aýrýhanalary generatorlardyń kómegimen medısınalyq uıymdarda elektr qýatyn ishinara qosqan.
Iаǵnı birinshi kezekte elektr energııasy jan saqtaý jáne terapııa bólimine sondaı-aq operasııalyq bloktarda júzege asyrylady. Aýrýhanalardyń qalǵan bólimderi men palatalarynda jaryq bolmady. Sebebi birinshi kezekte generatorlardyń kómegimen jan saqtaý bólimi men operasııalyq bloktar elektr qýatyna qosylady. Avarııalyq jumystar qalpyna keltirilgen soń jaryq barlyq korpýsqa berildi.
