zhursin_yerman
Aqyn erterekte jabysqan keselden aıyǵa almaı kele jatqanyn, Astana, Almaty qalalarynda jáne Shveısarııada emdelgenin aıtty. «Qant dıabeti degen kesel jabysyp, em-domnan nátıje bolmaı tur. Jetpistiń ústine shyqtym, árnárseni oılaısyń, máńgilik dosym Nesipbek Aıtulynyń qazasy qabyrǵama qatty batty. Jýyrda ǵana kelip meniń kóńilimdi surap, halimdi bilip ketken, úsh kúnnen soń ınsýltten qulap, sodan ońalmady», dedi. J.Erman tól balasyndaı qanatynyń astyna alyp qamqor bolyp kele jatqan aıtysqa degen ińkárligin de sóz etti. Jýyrda Astana qalasynda ótetin «Altyn dombyra» aıtysyna ózi bas qazy bolatynyn jetkizdi.
«О́leńderimdi meniń daýsymmen oqyp ǵalamtorǵa jigitter salyp júr, bireýi kelip ruqsat suraǵan emes. Oǵan renjimeımin de, biraq ókinishtisi Júrsin Ermannyń óleńi dep meniń atymnan bóten óleńdi de júktep jatyr. Soǵan qarnym ashady, uıat emes pe?! Kóp óleńderimniń áleýmettik jelide tarap, baspasóz betterinde de jarııalanyp jatqanyn da bilemin, oǵan shúkirshilik etemin», degen aqyn «Qasymnyń úıin qıratý» degen óleńin oqydy.
Almaty qalasyndaǵy Dostyq dańǵyly men Qarasaı batyr kósheleriniń qıylysynda qazaq poezııasynda uly betburys jasaǵan daýylpaz aqyn Qasym Amanjolov turǵan úıdi bertinde kúrep, ornyna bank salynǵanyn, sonyń janyndaǵy bóten úıge «Bul úıde Qasym Amanjolov turǵan» dep eskertkish taqta ilgen kózboıaýshylyqqa kúıingennen jazǵan týyndysy ekenin aıtty.
