Alyp kúsh ıesi ata jurtyn ańsap kelgen jandardyń biri eken. Ol 2000 jyldary О́zbekstannan Soltústik Qazaqstan oblysyna qonys aýdarǵan. Jas kezinen aýyr zatty urshyqsha ıiredi. Salmaǵy 23 tonnadan asatyn vagondy esh daıyndyqsyz 60 metrge deıin súırep tastady.
Dese de Parsahan aýyr atletıkaǵa eshqashan qyzyqpaǵanyn alǵa tartty. Alaıda qara kúsh ıesi bul kórsetkishpen toqtamaıtynyn jasyrmady.
Syrt kózge qaraǵanda, ol bir alyp kúsh ıesi emes sııaqty kórinedi. Biraq jalpy salmaǵy 40 tonnadan asatyn 2 birdeı vagondy op-ońaı súıregen. Parsahan mundaı kórsetkishti baǵyndyrý úshin arnaıy daıyndyqtan da ótpegen.
Aıta ketsek, Parsahan Aldııarov aýdandaǵy órt sóndirý bóliminiń júrgizýshisi bolyp qyzmet etedi.
«Bul jerde qara kúshten góri eptilik qajet. Qutqarýshylar kúnine oraı chellendj uıymdastyryldy. Meniń bastyǵym vagon tartyp kóreıik dep aıtty. Men osynda jumys istegem. Buǵan deıin 2-3 adam bolyp vagondy tartyp júrgenbiz. Salmaq kóbinese qazir myna aıaqqa jáne alǵa qaraı eńkeıip tartylǵan soń trosqa, trostan ıyqqa túsedi. Bul 23 tonna vagondy eń bastysy – ornynan qozǵaltyp alý», deıdi jurtty tánti etken er adam.
Endi Parsahan aýyr traktordy tartyp, kópshilikti taǵy bir tańǵaldyrsam deıdi. Ol bul trıýkti Táýelsizdik kúninde jasamaqshy.
