Foto: ShQO TJD baspasóz qyzmeti
«О́tken qysqy kezeńde oblystyń avtomobıl joldarynda 7 avarııalyq-qutqarý jumystary júrgizildi, onyń ishinde 168 bala qutqaryldy, qar qursaýynan 7 birlik tehnıka evakýasııalandy», dedi ShQO TJD bastyǵynyń orynbasary Arman Toqanov.
Mamandardyń aıtýynsha, avtokólik aıazǵa tótep berip, úzdiksiz jumys istep, qıyndyq týdyrmaıtyndaı etip daıyndalýy kerek.
Eń aldymen, kóliktiń jaramdylyǵyn tekserý mańyzdy. Tejegishterdiń jumys isteıtinin tekserińiz, maıdy tómen temperatýraǵa, dóńgelekterdi qysqy rezeńkege aýystyryńyz. Jolǵa shyǵar aldynda siz baratyn aımaqtyń aýa-raıy boljamyn, qatty jeldiń, qalyń qardyń jáne kóktaıǵaqtyń saldarynan bolatyn joldyń jaı-kúıin tekserip alǵanyńyz abzal.
Tótenshe jaǵdaı kezinde siz tolyq daıyn bolýyńyz kerek, sondyqtan barar aldynda júksalǵyshta ne bolýy kerektigin tekserińiz: súıreý kabeli, apattyq toqtaý belgisi, balta, kólikti otaldyrýǵa arnalǵan sym, janarmaı qory, kúrek, qolsham jáne áınektegi muzǵa qarsy suıyqtyq, jóndeýge yńǵaıly qolǵap. Jolǵa shyqqanda mindetti túrde jyly zattardy, azyq-túlikterdi jınap, jeńil taǵamdar daıyndańyz.
Árıne, tótenshe jaǵdaı kezinde «112» nómirine habalasý kerek. Qutqarýshylardy shaqyrý úshin árqashan ózińizben birge uıaly telefondy alyp júrińiz. Ony qýattańyz, qosymsha power bank alyńyz jáne avtokólik evakýatorlarynyń nómirlerin jazyp alyńyz.
Jaqyndaryńyzǵa baǵytyńyz týraly eskertińiz jáne sapar barysynda olarmen baılanys ornatyńyz.
Eger sizdiń kóligińiz qys mezgiline daıyn bolmasa daýyl týraly eskertýler jarııalaǵan kezde táýekelge barmańyz jáne eldi mekenderden tys jerlerge shyqpańyz.
