Taraptar energetıka salasyndaǵy ózara is-qımyldyń ózekti baǵyttaryn, atap aıtqanda, jańartylatyn kózderdi damytýdy, jańa ınvestısııalyq jobalardy iske asyrý jáne eki el arasyndaǵy tikeleı áýe qatynasyn qalpyna keltirý máselelerin qarady.
Sondaı-aq tranzıttik-kólik salasyndaǵy, onyń ishinde Transkaspıı halyqaralyq kólik baǵytyn Transeýropalyq kólik jelisimen baılanystyrý jónindegi qadamdar da talqylandy.
Álıhan Smaıylov Majarstan Qazaqstannyń Eýropa Odaǵyndaǵy mańyzdy saýda-ekonomıkalyq seriktesi ekenin atap ótti. О́tken jyly eki el arasyndaǵy taýar aınalymy 24%-ǵa artyp, 172 mln dollarǵa jetti.
«Biz taýar aınalymyn odan ári arttyrý úshin aıtarlyqtaı áleýet bar ekenin kórip otyrmyz jáne qazaqstandyq ónimniń Majarstanǵa eksportyn 95 taýarlyq pozısııa boıynsha shamamen 700 mln dollarǵa arttyrýǵa daıynbyz», dedi Premer-mınıstr.
Onyń aıtýynsha, ınvestısııalyq yntymaqtastyq baǵytynda jańa múmkindikter ashyldy. Majarstan 2005 jyldan beri Qazaqstanǵa 330 mln dollar shamasynda tikeleı ınvestısııa saldy. Tek 2021-2022 jyldary shamamen 75 mln dollarǵa jýyq ınvestısııa tartyldy. Bul barlyq ınvestısııanyń jalpy kóleminiń shamamen shırek bóligin quraıdy.
«Búginde bizdiń ınvestısııalyq qarym-qatynasymyz jańa jobalarmen tolyǵyp keledi. Majarstandyq «MOL» kompanııasymen birlesip, asa iri gaz kondensatyn shyǵaratyn «Rojkovskoe» ken ornyn iske qosý josparlanyp otyr. Biz majarstandyq bıznesti ınvestısııalyq jobalardy birlesip iske asyrýǵa shaqyramyz», dedi Álıhan Smaıylov.
Sonymen qatar Úkimet basshysy mádenı-gýmanıtarlyq saladaǵy qarym-qatynastardyń joǵary deńgeıin atap ótti. Máselen, Majarstannyń ulttyq aqyny Shandor Petıofıdiń 200 jyldyǵyn atap ótý aıasynda Astanadaǵy kóshege aqyn esimin berý týraly sheshim qabyldandy.
Sondaı-aq ol bilim berý salasyndaǵy yntymaqtastyqtyń aıqyn mysaly retinde ózara stýdenttermen almasý baǵdarlamasyna 10 jyl tolyp otyrǵanyn atap ótti. Búgingi tańda 1000-nan astam qazaqstandyq stýdent Majarstanda bilim alýda, bul atalǵan baǵdarlamanyń suranysqa ıe ekenin kórsetedi.
«Elderimiz arasyndaǵy grant usyný jónindegi yntymaqtastyq búgin qol qoıylǵan О́zara túsinistik týraly memorandým aıasynda jalǵasyn tabady. Bul bilim berý salasyndaǵy bizdiń ózara baılanystardy jalǵastyrýǵa degen umtylysymyzdy aıqyndaıdy. Jalpy, biz ary qaraı da saýda-ekonomıkalyq, sondaı-aq gýmanıtarlyq yntymaqtastyqty damytýǵa qolaıly jaǵdaı jasaýǵa daıynbyz», dedi Álıhan Smaıylov.
Vıktor Orban óz kezeginde Qazaqstan men Majarstannyń saıası baılanystary jaqsy damyǵanyn, sondyqtan endi ekonomıkalyq baılanystardy tereńdetý men keńeıtýge kóbirek kóńil bólý kerektigin aıtty.
«Sizderdiń Prezıdentterińiz múmkindiginshe birlesip júzege asyrýǵa bolatyn kóptegen jobany qarastyrýymyz kerek degen usynys jasady. Tájirıbe kórsetkendeı, bir-birinen shalǵaı jatqan memleketter qandaı da bir flagmandyq joba arqyly ekonomıkaǵa serpilis jasaı alady. Bul basqa da shaǵyn kásiporyndardy yntymaqtastyqqa tartýǵa kómektesedi. Endigi mindet – qandaı jobalardy júzege asyra alatynymyzdy anyqtaý. Biz atalǵan baǵytta qarqyndy jumys isteı alamyz dep úmittenemiz», dedi Majarstan Premer-mınıstri.
