Qazirgi tańda aımaqta 433 avtogaz quıý beketi bar. Aqtaý qalasynda – 93, Jańaózen qalasynda – 74, Munaıly aýdanynda – 113, Beıneý aýdanynda – 30, Qaraqııa aýdanynda 27, Mańǵystaý jáne Túpqaraǵan aýdandarynda tıisinshe – 52 jáne 44 beket tirkelgen.
Qyrkúıek aıynda óńirde ortasha táýliktik gaz tutynýdyń kórsetkishi 607,479 tonnany qurady. Naqty aıtsaq, Aqtaý qalasy – 195,615, Jańaózen – 156,682, Munaıly – 98,153, Mańǵystaý – 48,759, Beıneý – 46,175, Túpqaraǵan – 35,803, Qaraqııa – 26,293 tonna gaz tutynǵan. Qazan aıynyń sońǵy kúninde aımaq boıynsha qalǵan gaz kólemi 2050,9 tonnany qurady.
Jergilikti atqarýshy oryndar janar-jaǵarmaı, suıytylǵan gaz baǵasyn qadaǵalaýda ustaý úshin kún saıyn monıtorıng júrgizip otyrady. Qazirgi kezde jaǵdaı turaqty, gaz quıý beketterinde shekten shyqqan kólik kezegi joq. Gaz baǵasy Mańǵystaý oblysynda 54-59 teńge kóleminde satylyp jatyr.
