Úmitkerler arasynda búginde ákim laýazymynda júrgender de bar. Saılaý naýqanyna bir oblystyq, 5 aýmaqtyq saılaý komıssııalary men 159 ýchaskelik komıssııa jasaqtalǵan. Saılaý komıssııalarynyń 887 múshesi qatysty.
Saılaýshylardy barynsha habardar etý úshin oblys ákiminiń saıtynda «óz saılaý ýchaskeńdi tap» servısi, 5 aýdanda jáne oblys ortalyǵynda koll-ortalyqtardyń jumysy (109 nómiri), «Kaspi Bank» servısi arqyly SMS jiberý, «Halyk Bank»-te «ózińdi tekser» servısi uıymdastyrylǵan, budan basqa árbir aýdandyq komıssııada Facebook áleýmettik jelisi bar, onda saılaý naýqanynyń barysy kórsetiledi.
– Shortandy aýdanynda barlyǵy 19 586 saılaýshy bar. Saǵat 12.00-ge deıin saýlaýshylardyń 7 898-i daýys berip úlgerdi. El osy saılaýdan úlken úmit kútip otyr. Ásirese aǵa býyn ókilderi belsendilik tanytty, – deıdi aýmaqtyq saılaý komıssııasynyń tóraǵasy Marat Atabaev.
Múgedek jandar úshin ár ýchaskede barlyq qajetti buryshtar daıyndalyp, daýys berýleri úshin yńǵaıly jaǵdaı jasaldy. Sonymen qatar, ár aýdannyń saılaýshylaryna daýys berý kezinde elektrondyq kýálikterin ákelýge bolatyndyǵy týraly eskertildi.
– Aýdanda 35 saılaý ýchaskesi bar, onda 183 adam qyzmet kórsetip jatyr. Saǵat 11.00-de 15 053 saılaýshynyń 6 729-y daýys berdi. О́z tańdaýyn jasaýǵa asyqqan ardagerler de az emes. Máselen, 93 jastaǵy Nıkolaı Kolesnıkov, 70-ten asqan el aǵasy Eginbaı Ospanov tań sáriden kelip daýys berdi. Ardagerlerdiń el bolashaǵyna alańdaǵan aq peıilderi jastar úshin ónege emes pe?! Keıbir saılaý ýchaskelerinde azdaǵan kezek te bolyp jatyr. Bul kórinis adamdardyń jaýapkershiligi men erteńge degen senimin kórsetedi, – deıdi Astrahan aýdanyndaǵy aýmaqtyq saılaý komıssııasynyń tóraǵasy Baltash Saǵynaev.
Saılaý komıssııalarynyń barlyq múshesi tıisti daıyndyqtan ótken jáne saılaý ótkizýge daıyndalǵan, barlyq ýchaske qajetti qural-jabdyqtarmen tolyq qamtamasyz etilgen. О́ńirdegi saılaý ýchaskelerimen habarlasqanymyzda jumystyń birqalypty ótkizilip jatqandyǵyn habarlady.
– Saǵat 16.00-ge deıin óńirdegi barlyq saılaýshylardyń 58,81 paıyzy daýys berdi. Jaqsy jáne Shortandy aýdandaryndaǵy saılaýshylardyń belsendiligi joǵary, – dep málimdedi oblystyq saılaý komıssııasynyń tóraǵasy Manarbek Sádýov.
Aqmola oblysy
