Aýdandarǵa qaraıtyn 113 eldi mekendegi turǵyndardyń jalpy sany – 48 403. Sonyń ishinde tirkelgen saılaýshylar sany 36 myńnan astam. Oblystyq saılaý komıssııasynyń habarlaýynsha, úsh aýdandaǵy barlyq 84 saılaý ýchaskesiniń esigi ýaqytynda ashylyp, saılaýshylardy qarsy aldy. Ýchaskelik saılaý komıssııalarynda osy kúni jumys isteıtin 440 múshe de ornynan tabylǵan.
Úsh aýdan ákiminiń saılaýyna alǵashynda 12 kandıdat usynylǵan. Árbir okrýg boıynsha tórt úmitkerden kelgen. Olardyń úsheýi «Amanat», úsheýi Qazaqstannyń halyq partııasy saıası partııalardan usynyldy. Alaıda usynylǵan 12 kandıdattyń bireýiniń qujattary memlekettik qyzmet týraly zań talaptaryna saı kelmedi, taǵy bireýi qujattardy tolyq tapsyrmaǵandyqtan tirkelmegen. Qalǵan 10 kandıdattyń ekeýi óz ótinishterimen kandıdatýrasyn alyp tastady. Qorytyndysynda, 8 kandıdat qana qalyp, onyń ekeýi Esil aýdanynda, al Mamlıýt pen Tımırıazev aýdandarynda úsh kandıdattan saılaýǵa tústi.
Soltústik Qazaqstan oblysy
