Ustazdar ustahanasy

Elimizdegi tuńǵysh joǵary oqý orny – Abaı atyndaǵy Qazaq ulttyq pedagogıkalyq ýnıversıteti joǵary jáne jo­ǵary oqý ornynan keıingi bi­lim berý salasyndaǵy iri ǵy­ly­mı jáne pedagogıkalyq bi­lim berý ortalyǵy. Bastaýynda Ahmet Baı­tursynuly, Temirbek Júr­genov, Halel Dosmuhamedov, Sáken Seıfýllın sekildi ult zııa­lylary, qoǵam qaıratkerleri tur­ǵan oqý orny kúni búginge deıin eli­mizde bilikti muǵalimderdi daıar­laýda kóshbasshy. Oqý ordasynan osy kúnge deıin 200 myńǵa jýyq pedagog, 4 myńnan asa ǵylymı kadr bilim berý salasyna qanattanǵan.

Saltanatty is-sharany ash­qan ýnıversıtet rektory Bolat Tilep ult zııalylary bastaýyn­da turǵan «ustaz» atty ulyq mamandyqtyń rýhanı ordasy Abaı ýnıversıteti osy jyl­darda elimizdegi bilim oshaq­taryna kóptegen bilikti kadr­lar daıarlaǵanyn jetkizdi. Rektordyń aıtýynsha, kezinde 9 oqytýshy ǵana jumys istegen oqý ordasyn­da búginde 5 akademık, Ult­­­tyq ǵylym akademııasynyń 6 kor­­res­pondent-múshesi, 220 ǵylym doktory men PhD, 260-tan astam ǵylym kandıdaty, barlyǵy 900-den astam adamnan turatyn professorlyq-oqytýshylyq qu­­ram 16 myńnan astam stýdent­ke zamanaýı bilim berip keledi. Bilikti mamandardyń eseli eń­beginiń nátıjesinde ýnıversıtet álemdik bilim reıtıngterinde joǵary kórsetkishke ıe bolyp otyr.

Mártebeli ustazdar qaýy­myn aıtýly merekemen quttyq­taǵan Ǵylym jáne joǵary bi­lim mınıstri Saıasat Nurbek «Us­tazdar ustanahanasy, bilim men ǵylymnyń altyn ordasy atal­ǵan qart QazPI-diń ataýly datasy elimizdegi bilim berý júıe­sine ortaq mereke. Bi­lim or­dasynyń jetken jetis­ti­gin­de qazaq halqynyń aıaý­ly tul­ǵa­larynyń, Alash qaırat­ker­le­riniń eńbegi jatyr. Bilim bıi­gin­de turǵan oqý ordasynyń pro­­fessorlyq-oqytýshylar qu­ra­­­mynyń jemisti eńbegin erekshe atap ótý kerek», dedi.

Jıyn ári qaraı da jyly le­biz­dermen jalǵasyn tapty. Almaty qalasy ákiminiń ap­parat basshysy Beıbit Shaha­nov shahar basshysynyń quttyq­taýyn oqysa, Ulttyq ǵylym akademııasynyń vıse-prezıdenti Aqylbek Kúrishbaev pedagog kadrlardy daıarlaýda kósh bas­tap turǵan oqý ornynyń mereı­toıyna akademııanyń qut­tyq­taýyn jetkizdi.

Ýnıversıtettiń álemdik bi­lim keńistiginde jetistikke je­týine zor úles qosyp júrgen oqy­týshylar qaýymy osy jıyn­da arnaıy marapatqa ıe boldy. Atap aıtqanda, professor Qorlan Jampeıisovaǵa «Eren eńbegi úshin» medali, Mámbet Qoıgeldıev, Marat Qulbek, Baǵdat Qosanov, Doktorhan Aıdarbaeva, Nadejda Jıenbaeva syndy ǵalym-ustazdarǵa «Qa­zaqstan Respýblıkasynyń ǵy­lymyn da­mytýǵa sińirgen eńbegi úshin» qur­metti tósbel­gisi, Dana Qo­symovaǵa «Ana tilin damytýǵa qosqan úlesi úshin» tósbelgisi tabys etildi.

Búginde ýnıversıtet álem­niń 25 memle­ketiniń 138 joǵa­ry oqý ornymen áriptestik baılanysta jumys isteıdi. QS World University Rankings álem­dik reı­tınginde osy jyldyń qorytyndysy boıynsha 681-690 oryndy ıelenip, álemdegi úzdik 700 ýnıver­sıtet qataryna endi. Ortalyq Azııada 147-orynmen úzdik 200 ýnıversıtettiń qatarynda tur. Turaqty damý maqsattaryn basshylyqqa alǵan THE Impact Rankings reıtınginde ýnıversıtet 601-800 pozısııadan kórinip, otandyq ýnıversıtetter arasynda kósh bastap tur.

Merekelik is-sharada Qazaq­stan etnıkalyq dızaınerler oda­ǵy qolóner sheberleriniń kórme­sin ótkizip, ýnıversıtettiń tarıhy men búgingi tynys-tirshiligi týraly derekti fılm kórsetildi. Merekelik is-shara óner maıtal­mandarynyń kon­sertine ulasty. 

 ALMATY