Zakon.kz jazǵandaı, aýyl basshysy túnde dúkende dórekilik tanytqan.
Qostanaı oblysy PD baspasóz qyzmeti málim etkendeı, 18 qazanda keshqurym Novoılınovka aýyldyq okrýginiń ákimi aýdandaǵy dúkenderdiń birinde bolǵan. Ol ózin dóreki ustap, balaǵat sózder aıtyp, túnde alkogol satýdy talap etken.
"Memlekettik qyzmetkerdiń is-áreketi dúkenniń beınebaqylaý kameralaryna túsip qalǵan. Beınejazba keıinirek áleýmettik jelide tarady", dep túsindiredi PD baspasóz qyzmeti.
Qoǵamdyq orynda beıádep sózder aıtqany úshin polısııa ákimge qatysty QR ÁQBtK 434-baby boıynsha ákimshilik is qozǵady (usaq buzaqylyq).
6 qarashada Beıimbet Maılın atyndaǵy aýdannyń ákimshilik soty ákimdi kináli dep taýyp, oǵan 20 AEK (69 myń teńge) mólsherinde aıyppul taǵaıyndady.
