Astana qalasy densaýlyq saqtaý basqarmasynyń baspasóz qyzmeti 21 jastaǵy mobılograftyń óliminiń sebebi sot-medısınalyq saraptamanyń nátıjelerimen rastalǵanyn málimdedi.
"О́limniń sebebi –jiti gemorragııalyq pankreonekroz edi. Ol toksıkologııalyq zertteý nátıjelerimen rastaldy", – dep jazdy Astana qalasynyń densaýlyq saqtaý basqarmasynyń baspasóz qyzmeti.
Jedel gemorragııalyq pankreonekroz – uıqy beziniń aýrýy. Bul kóp jaǵdaıda ólimge ákeledi. Uıqy bezi fermentter men ınsýlın shyǵarý arqyly as qorytýda mańyzdy ról atqarady jáne onyń qabynýy aýyr zardaptarǵa ákelýi múmkin. Gemorragııalyq pankreonekroz kezinde bezdiń tinderinen qan ketip, qabynady.
Qazan aıynyń basynda Astanada "Irına Kaıratovna" tobynyń konserti kezinde toptyń mobılografy Shahnaz Jylqaıdarov sahnada qulap, mert bolǵan edi.
Aıta keteıik, Astana qalasynyń densaýlyq saqtaý basqarmasy 21 jastaǵy jigittiń ólimine qatysty pikir bildirip, neden kóz jumǵany jaıly boljam jasaǵan.
Marqumnyń qurbysy Móldir esimdi boıjetken Shahnaz Jylqaıdardyń ólimine energetıkalyq sýsyndardyń qatysy joǵyn jáne marqumnyń apta boıy jumystan bas kótermeı, eki táýlik boıy kóz ilmegenin aıtty. Onyń ólimine qatysty sotqa deıingi tergeý bastaldy.
