Byltyr sáýir aıynda Sventek alǵash ret WTA-nyń úzdikter kóshin bastaǵan edi. Sodan keıin bir jarym jyldaı ýaqyt boıy aldyna jan salmaı keldi. Bıyl qyrkúıekte ony Sobolenko ornynan yǵystyrdy. Biraq Belarýs ókili bul tuǵyrda uzaq turaqtamady. Arada eki aı ótkennen soń, polshalyq tennısshi qaıta álemniń birinshi raketkasy atandy. Arına ekinshi orynǵa syrǵyp tústi. Odan keıingi satylarǵa Koko Goff (AQSh), Elena Rybakına (Qazaqstan), Djessıka Pegýla (AQSh), Ons Jaber (Mysyr), Marketa Vondroýshova men Karolına Mýhova (Chehııa), Marııa Sakkarı (Grekııa) jáne Barbora Kreıchıkova (Chehııa) jaıǵasty. Mine, álemniń eń úzdik 10 oıynshysynyń tizimine osylar enip otyr.
Qazaqstannyń ózge tennısshileri WTA tiziminde mynadaı oryndardy ıelendi: Iýlııa Pýtınseva – 69-oryn, Jibek Qulambaeva – 515-oryn, Gozal Aınıtdınova – 612-oryn jáne Anna Danılına – 814-oryn.
