Saıasat • 09 Qarasha, 2023

Qazaqstan elshisi Koreıanyń joǵarǵy dıplomatııalyq ordenimen marapattaldy

220 ret

kórsetildi

1 mın

oqý úshin

Qazaqstan Respýblıkasynyń Koreıa Respýblıkasyndaǵy burynǵy elshisi Baqyt Dúısenbaevty Koreıa Respýblıkasy Prezıdentiniń I dárejeli «Dıplomatııalyq eńbegi úshin» ordenimen (Kvanhva ordeni) marapattaý rásimi ótti, dep habarlaıdy Egemen.kz Syrtqy ister mınıstrliginiń baspasóz qyzmetine silteme jasap.

Aıana TOǴANBEK

Qazaqstan elshisi Koreıanyń joǵarǵy dıplomatııalyq ordenimen marapattaldy

Ońtústik Koreıanyń Qazaqstandaǵy elshisi Chjo Te Ik ordendi tabystaı otyryp, B. Dúısenbaevqa Astana men Seýl arasyndaǵy ekijaqty qatynastardy damytýǵa qosqan úlesi úshin alǵysyn bildirdi.

Qazaqstan dıplomaty Koreıa Respýblıkasynyń Prezıdenti men Úkimetine marapat úshin óz alǵysyn bildirdi.

B. Dúısenbaev 2018 jyldan 2023 jylǵa deıin Koreıa Respýblıkasyndaǵy elshisi qyzmetin atqardy. Ol Kvanhva ordenin alǵan Koreıa Respýblıkasyndaǵy alǵashqy Qazaqstan elshisi.

Aıta keteıik, «Dıplomatııalyq eńbegi úshin» ordeni – Koreıa Respýblıkasy men shet memleket arasyndaǵy dostyqty keńeıtýge jáne nyǵaıtýǵa qosqan úlesi úshin beriletin Koreıa Respýblıkasynyń memlekettik nagradasy. Orden alty synyptan turady jáne Koreıa Respýblıkasy Prezıdentiniń joǵary dárejeli sheteldik dıplomattarǵa beriletin eń joǵarǵy marapat.