Foto: akorda.kz
Prezıdent Q.Toqaev aýyl sharýashylyǵy taqyrybyna arnalǵan forýmnyń Qostanaı oblysynda, ıaǵnı Qazaqstannyń naǵyz astyqty ólkesinde ótkizilýiniń sımvoldyq mánine nazar aýdaryp, agroónerkásip kesheni salasyndaǵy saýda men ózara tıimdi kooperasııany keńeıtý úshin zor múmkindik bar ekenine toqtaldy. Astyq eksporty boıynsha álemdegi aldyńǵy ondyqqa Qazaqstan da, Reseı de enedi. Dúnıejúzi boıynsha egis alqaptarynyń 10%-y, jaıylym men shabyndyq jerlerdiń 9%-y Qazaqstan men Reseıdiń enshisinde.
«Qazaqstanda sońǵy 5 jylda aýyl sharýashylyǵy óniminiń jalpy kólemi 2 eseden astam ulǵaıdy. Atalǵan saladaǵy ónim eksporty eki ese artyp, 6 mıllıard dollarǵa jýyqtady. Búginde bul baǵyttaǵy ónimderimiz álemniń 80 eline jetkiziledi. Byltyr Azyq-túlik qaýipsizdiginiń jahandyq ındeksinde Qazaqstan 113 eldiń ishinde 32-shi oryndy ıelendi. Osylaısha, biz agroónerkásip keshenin dáıekti túrde damytyp otyrmyz. Búgingi forýmda elderimizdiń azyq-túlik qaýipsizdigin qamtamasyz etý úshin teń quqyly jáne bir-biriniń múddesin eskerý qaǵıdattary negizinde ortaq kelisimge kele otyryp, jańa tásilder ázirlenetinine senimdimin», dedi Memleket basshysy.
