О́tken jyly Qazaqstannyń jáne Reseıdiń bankteri arasyndaǵy saýda aınalymy boıynsha ózara tólemder sany – 55, al osy jyldyń jeti aıynda 11,5 paıyzǵa artyp, qazirgi kúni 9,2 mıllıard teńgege jetip otyr. Al buǵan deıin birneshe ret kóterilgen ortaq valıýta engizý týraly suraqqa kelsek, mundaı másele bizdiń ıntegrasııalyq yntymaqtastyǵymyz aıasynda eshýaqytta kún tártibine qoıylǵan emes, talqylanǵan da emes. Ol jaıynda usynys ta bolǵan joq.
Ár memlekettiń ulttyq valıýta kýrsy sol eldegi aqsha-nesıe saıasatyna jáne ekonomıkalyq jaǵdaıǵa qaraı anyqtalady. Reseı Federasııasy rýbliniń kýrsy sáıkesinshe óziniń ekonomıkalyq ahýalyna jáne Ortalyq bank tarapynan júrgiziletin aqsha saıasatyna qaraı ózgerip otyrady. Bizdiń teńgemizdiń kýrsy da dál solaı. Oǵan elge kelip jatqan ımport pen eksportymyz da áser etedi.
Mádına ÁBILQASYMOVA,
Qarjy naryǵyn retteý jáne damytý agenttiginiń tóraǵasy
