Jomart jannyń bul jolǵy sharapatyn Aqsý-Aıýly aýylyndaǵy 21 otbasy kórdi. Jasyratyny joq, qazir kómir baǵasy sharyqtap tur. Ásirese aýyldaǵy aǵaıynnyń kóńili osyǵan alań bolyp otyr. Aýyldyń az qamtylǵan otbasylaryna kómir úlestirgen Qýanysh myrzanyń bul ıgi isi – úlken azamattyq.
Bilýimizshe, fermer únemi qaıyrymdy iske qol sozady eken. Buǵan qosa mal ustaǵandarǵa shóp pen jem baǵasyn áldeqaıda tómen baǵamen alyp berýge yqpalyn tıgizedi. Az qamtylǵan otbasylarǵa et taratady. Sondaı-aq bir kezderi halyq bolyp bastaǵan bes bólmeli úıdiń qurylysyn qazir óz qarajatyna júrgizip jatyr. Jańa úıdi baspanaǵa muqtaj otbasyǵa bermekshi. Jomart jan jasaǵan jaqsylyǵyn jarııa etkisi kelmeıdi.
– Aýyldastaryma kómektesken saıyn kóńilim aspandaıdy. Qolyńyzda bar bolsa, ıgilikti iske qol sozǵan jón dep oılaımyn. Ár jasaǵan jaqsylyǵyńdy Jaratqan eseleıdi, – deıdi fermer.
Barymen bólisetin fermerge aýyldastarynyń aıtar alǵysy mol.
Qaraǵandy oblysy,
Shet aýdany
