Jastar arasyndaǵy álem birinshiliginiń kúmis júldegeri, elimizdiń úsh dúrkin chempıony degen ataqtary bar 19 jastaǵy otandasymyz qysqa baǵdarlamada 89,94 upaı jıyp, úshinshi oryndy ıelendi. Osy nátıjeniń arqasynda ol kelesi kúni de jarys jolyna shyqty. Shaıdorın erkin baǵdarlamany 174,52 upaımen qorytyndylady. Nátıjesinde, 264,46 upaı jıǵan almatylyq sportshy qola medaldy moınynda jarqyratty.
Gran-prı týrnıri sensasııalyq nátıjemen aıaqtaldy. Jarystyń basty favorıti – Olımpııa oıyndarynda úsh ret jeńis tuǵyryna kóterilip, álem chempıonatynda altyn men kúmisti qos-qostap alǵan Japonııanyń juldyzy Shoma Ýno ekinshi oryndy qanaǵat tutty. Al bas júlde bıylǵy Eýropa chempıony, fransııalyq Adam Sıao Hım Faǵa buıyrdy.
