Qyzylorda oblystyq sotynyń baspasóz qyzmetiniń málimetinshe, alaıaqtar áleýmettik jelide ózderiniń avatarlaryna sulý qyzdardyń sýretterin qoıyp, jalǵan paraqshalar ashqan. Sosyn osy qyzdardyń atynan er adamdarmen sóılesken. Ýaqyt óte kele bopsalaýshylar qyzdardyń jalańash sýretterin jiberip, memlekettik qyzmetkerlerden ıntımdik fotolaryn suraǵan.
Sýretterdi qolǵa túsirgen alaıaqtar osy arqyly memlekettik qyzmetkerlerdi bopsalap, aqsha talap etken.
Qyzylorda oblysynda 12 memlekettik qyzmetker men belgili sheneýnik alaıaqtardyń qurbany boldy.
Tergeýden keıin 11 jábirlenýshiniń aqshasyn qaıtaryp alǵany belgili boldy. Olar aryz jazýdan bas tartty. Bir ǵana jábirlenýshi B. keri qaıtarylǵan 500 myń teńgeni almaı, bopsalaýshylardyń ústinen sotqa berýge sheshim qabyldaǵan.
Sot otyrysynda alaıaqtardyń ózderi kinálaryn moıyndady.
Úsh sottalýshyǵa qatysty sot úkimi shyǵarylyp, olar Qazaqstan kináli dep tanyldy.
Olardyń árqaısysyna 3 jyl 6 aı merzimge bas bostandyǵyn shekteý, sondaı-aq úkimdi oryndaý kezinde jylyna 100 saǵat májbúrli jumysqa tartý jazasy taǵaıyndaldy.
Sottalýshylardan 500 000 teńge kólemindegi zalal birlesip óndirildi. Úkim zańdy kúshine endi.
