"Otyrar" redaksııasynyń zańgeri Venera Nurǵalıqyzynyń aıtýynsha, meıramhana, kafe ákimshiligi tarapynan aıyppul týraly eskertý qaǵazy berilse, bul - zańsyz. О́ıtkeni synǵan ydystar búliný bolyp tabylady jáne oǵan múlik ıesi jaýapty.
Al onyń ornyn toltyrý tártibi azamattyq zańnamamen anyqtalady. Azamattyq Kodekske sáıkes, múlikke zııan keltirý úshin týyndaıtyn jaýaptylyqqa kinániń bolýy jáne basqa da jaǵdaılar qajet.
«Eger sizge tamaqtaný ornynyń ákimshisi múlikke zııan keltirgeni úshin aıyppul tóleý týraly talap qoısa, siz zattyń qunyn jáne ony satyp alǵan kúnin, satyp alynǵan ornyn rastaıtyn qujattardy kórsetýdi tutynýshy retinde talap ete alasyz. Eger olar bul qujattardy kórsetýden bas tartsa, siz de aıyppul tóleýden bas tartyńyz», - dedi zańger.
Aıyppul sharttarymen kelispeseńiz, meıramhana-kafe ákimshiligin sotqa bere alasyz. Sebebi zalaldy óteý mindettemesi sizge tek sot sheshimimen júktelýi múmkin.
