Eksport-kredıt agenttiginiń keleshegi zor

Bul jóninde jaqynda Pre­zı­dent qa­byl­daýynda bol­ǵan «Báıterek» ult­tyq bas­qa­rý­shy holdıngi» AQ Bas­qar­ma tóraǵasy Nurlan Baıba­za­rov málimdedi. Qazirgi tańda «Qazaqstan Respýb­lı­ka­­synyń keıbir zańnamalyq akti­lerinde eksport-kredıt agent­tigi máse­le­leri boıynsha ózgeris pen tolyqtyrý engizý jáne shıkizat emes taýarlardyń eksportyn damytý týraly» zań jobasy tal­qyǵa túsip, Májilis qa­ra­ýy­na ótti.

Kez kelgen memlekettiń eko­­no­mıkasyn alǵa súıreıtin ne­giz­gi basymdyqtardyń biri eksport qyzmeti ekeni belgi­li. Onyń ishinde shıkizat emes ta­ýarlardyń syrtqy aına­lym­daǵy úlesin aıryqsha atap ótken jón. Shaǵyn jáne orta bıznes ulttyq ekonomıkanyń mańyzdy draıveri ekenin es­kersek, olardyń eksportqa shy­ǵyp, saýda kólemin arttyrýy – osy salanyń jan-jaqty damý kórsetkishteriniń biri. Búginde taýarlaryn eksportqa shyǵaratyn kompanııalar úshin eń basty kedergi qarjy tap­shy­ly­ǵy bolyp otyr. Osy rette Eksport-kredıt agenttiginiń (EKA) mańyzy men qajettigi aı­qyn baı­qa­lady.

Búginde EKA qyzmetin «KazakhExport» eksporttyq saqtandyrý kompanııasy» AQ atqarady. Ulttyq kompanııa shıkizat emes segmenttiń otan­dyq eksporttaýshylaryna qol­daý bildiredi jáne olardyń she­teldik naryqta qolaıly ári qaýipsiz jaǵdaıda saýdalasýyn qam­tamasyz etýmen aınalysady. Alaıda «KazakhExport» eldegi birden-bir mamandandyrylǵan saqtandyrý kom­pa­nııasy bol­ǵanymen, EKA mindetin atqarý úshin zań sheńberinde tıisti mártebesi joq. Bul kompa­nııa­nyń aıaq-qolyn tusap otyr.

«KazakhExport» ESK» AQ basqarma tóraǵasy Aslan Qalı­ǵazınnyń aıtýynsha, otan­dyq bıznes, onyń ishinde eksporttaýshylar qyzmetine qatysty zań normalaryna naqty ózgerister qajet.

«Agenttik shıkizat emes eks­port­ty damytý jáne onyń kó­lemin arttyrý bo­ıyn­sha ju­mys isteıtin bolady. Qys­qasha aıtqanda, damý ıns­tı­tý­ty­nyń fýnksııa­la­ryn moınyna alady. Bul maq­sat­ta EKA mártebesi bizdiń kompanııaǵa saqtandyrý, qaıta saqtandyrý, kepil bolý, eksport saýdasyn qarjylandyrý, eksporttaýshylar shyǵyndarynyń bir bóligin óteý, sonymen qatar servıs boıynsha bastan-aıaq qoldaý kórsetý múmkindigin usynady», deıdi kompanııa basshysy.

Eksport-kredıt agenttigi qyzmeti aıasynda shetel naryǵy tereńirek taldanady, sondaı-aq olardyń qandaı taýarǵa muqtaj ekeni júıeli saraptalady. Munyń nátı­je­sinde eksport bıznesindegi tólem múmkindigi joǵary eldermen turaqty baılanys ornatylady.

EKA shıkizat emes ónimdi eksporttaýshylar, otandyq taýarlardy óndirýshiler, shaǵyn, orta jáne iri bıznes ókil­derimen jumys isteıtin bolady. Aıta ketý kerek, agenttik qyzmeti erikti negizde kórse­tiledi, ıaǵnı eks­­porttaýshylar úshin EKA quraldaryn paıdalaný qa­zir­gi­deı mindet­telmeıdi. Agenttik tek eksporttaýshylardy qol­daý úshin naqty usynystar bil­diretin bolady. Bul bıznes pen agenttik arasyndaǵy qa­rym-qatynasty meı­linshe tıimdi etedi.

«Qarjy-saqtandyrý qural­da­ryn qol­daný satýshy men satyp alýshynyń eks­porttyq-ımporttyq saýdasyn edáýir art­tyrady. EKA kómegimen qos tarap syrt­qy kepildikke ıe bolady. Bul degenimiz qarajat aýdarylymynyń ýaqtyly jú­zege asatynyn bildiredi. Onyń nátıjesinde bolýy múm­kin problemalardyń joly ke­si­le­di», deıdi A. Qalıǵazın.

Sonymen qatar ulttyq kompanııa basshysy trans­for­ma­­sııaǵa qatysty josparlarymen de bólisti: «Otandyq bank­ter­diń sheteldik áriptester úshin usynatyn qar­jy­landyrý boıynsha syıaqy mólsher­le­melerin sýb­sı­dııalaý baǵdar­la­masyn iske qosý oıda bar. Baǵdar­la­ma otandyq jo­ǵa­ry tehnologııalyq taýarlar men qyzmetterdi satyp alý bo­ıynsha ǵana jumys is­teıdi. Dál osy qadam eks­port­taý­shy­la­rymyzdyń syrt­qy na­ryq­ta básekege qabi­let­ti bolýyn, klıent baza­sy­nyń artýyn, sondaı-aq óz ónim­derimizdiń sapasy men kóle­min arttyrýdy kózdeıdi», dedi.

Qazirgi ýaqytta «Kazakh­Export» ESK» AQ port­fe­­lin­de eksport­taý­shy­lar­ǵa qoldaý kórsetetin 18 joba bar. Ja­ńa agenttiktiń qu­ryl­ýymen endi tyń múmkin­dik­terge jol ashylmaq.