«Altyn dombyraly» aqyn 3 bólmeli páterge ıe boldy

Mereıi tasyǵan Maqsat aqyn­­men birge Májilis depýtaty Aman­jol Áltaev ta keldi.

 – Maqsat, sizdiń jeńisińizge búkil Arqa jurty qýandy! Bul – tarıhı jeńis. Sebebi osy ýaqytqa deıin Qaraǵandyǵa «Altyn dombyra» kelgen emes. О́zińizdi shyn jú­rekten quttyqtaımyn! Osy ha­­bardy estigende tóbemiz kókke eki eli ǵana jetpeı qaldy. Arqa aqyn­­dary mektebiniń mereıin ústem ettińiz. Aqynymyzdy qol­daý­­ǵa qashan da daıynbyz. Sizge shyǵar­­mashylyq tabys, kúsh-qýat tileımiz, – dedi E.Bólekbaev.

Aıtystyń ardageri Amanjol Áltaev ta sóz alyp, Maqsat Aqa­novqa jyly lebizin bildirdi.

 – Maqsat Aqanov – meniń shákirt­terimniń biri de biregeıi. Talaı jyl aıtysta atoı salyp, eliniń muń-muqtajyn jyryna qosyp keledi. Men Maqsat aqynmen maqtanamyn. Men ǵana emes, búkil Arqanyń eli maqtanady. «Altyn dombyra» aıtysynda jasyndaı jarqyrady. Túıdek-túıdek shýmaqtarymen eldi tań qyldy. Maqsat baýyrymdy shákirtimdi osy bir aıtýly jeńisimen quttyqtaımyn, – dedi Amanjol Áltaev.

Aqyndar aıtysta «Eńbek – el yrysy» taqyrybynda jyr órbitti. Maqsat Aqanov aqtyq synǵa deıin aptyqqan joq. Fınalda Meıirbek Sul­tan­hanmen aıtysty. Bul tartysta qazylar alqasynyń sheshimimen jerlesimiz úzdik dep tanylyp, «Altyn dombyrany» qolyna alyp, sý jańa temir tulpardy tizgindedi.

1-oryn alǵan Meıirbek Sul­tanhan (Qyzylorda oblysy) eki mıllıon teńge jáne «Aıtystyń aqtańgeri» ataǵyna qol jetkizdi. Aspanbek Shuǵataev (Pavlodar oblysy) ekinshi oryn alsa, úzdik úshtikte Jansaıa Mýsına (BQO), Tólegen Jamanov (Ulytaý oblysy) bar.

Qaraǵandy oblysy