Anyqtalǵan derekke qaraǵanda, zeınetaqy alýshynyń jasyna jáne eńbek sińirgen jyldaryna baılanysty jyl saıyn respýblıkalyq bıýdjet týraly zańda tıisti qarjy jylyna belgilengen mólsherde kóteriledi.
"Áleýmettik-ekonomıkalyq damý boljamyna sáıkes, 2024 jylǵa arnalǵan ınflıasııa deńgeıi 6-8 paıyz dálizde kózdeletinin eskere otyryp, "2024-2026 jyldarǵa arnalǵan respýblıkalyq bıýdjet týraly" zań jobasynda jasyna jáne eńbek sińirgen jyldaryna baılanysty zeınetaqy tólemderine baǵyttalǵan qarajat olardyń mólsheriniń 2024 jylǵy 1 qańtardan bastap 9 paıyzǵa ósýin eskere otyryp kózdeledi", - dep jazdy mınıstrlik.
Al memlekettik bazalyq zeınetaqy tóleminiń mólsheri 2024 jylǵy 1 qańtardan bastap 7 paıyzǵa ósedi.
"Budan basqa, 2024 jylǵy 1 qańtardan bastap Memleket basshysynyń tapsyrmasy boıynsha bazalyq zeınetaqynyń eń tómengi mólsheri 60 paıyzdan 65 paıyzǵa deıin, al eń joǵary mólsheri – respýblıkalyq bıýdjet týraly zańda belgilengen eń tómengi kúnkóris deńgeıiniń 100 paıyzynan 105 paıyzǵa deıin artady", - degen vedomstvo.
Sondaı-aq, bıýdjet týraly zań jobasynda 2024 jyly eń tómengi zeınetaqy 57 853 teńge, al bazalyq zeınetaqy tóleminiń eń tómengi mólsheri 28 215 teńge bolady dep kózdelgeni aıtylǵan.
2024 jyly jasyna baılanysty zeınetaqy tólemderiniń eń joǵary mólsheri 152 295 teńgege jetedi. Buǵan qosymsha memlekettik bazalyq zeınetaqy tólemi usynylady, onyń eń joǵarǵy mólsheri 2024 jyly eń tómengi kúnkóris deńgeıiniń 105 paıyzyna teń, ıaǵnı 45 578 teńge bolady. Zeınetaqy tólemderiniń jalpy somasy - 197 873 teńge.
