Shymkent qalasy PD-niń qyzmetkerleri jelide jıi kezdesetin taǵy bir aldaý túri týraly túsindirdi.
Tártip saqshylarynyń aıtýynsha, alaıaqtar tanymal ınternet-platformalarda qoldanylǵan turmystyq tehnıka nemese jıhaz satý týraly jarnamalardy ornalastyrady. Mysaly, olar «OLH» saıtynda taýardy arzan baǵada kórsetip, satyp alýshyny aldyn ala tólem jasaýǵa kóndiredi. Qurbanynyń senimine kirý úshin alaıaqtar Volohov, Hohlov, Gromov tekti azamattardyń jeke kýáligin nemese áskerı qyzmettik bıletin joldaıdy. Sonymen qatar, klıenttiń ótinishi boıynsha olar satylymdaǵy zattyń qosymsha fotosýretteri men beınejazbalaryn (jarııalanymda kórsetilgen) usyna alady.
– Bul shemany qazirgi ýaqytta qylmyskerler keńinen qoldanady, – dep atap ótti polıseıler.
Osyǵan baılanysty polısııa departamenti eskertedi: Jarnamalyq saıttardy paıdalansańyz, árqashan zatty alǵannan keıin ǵana tólem jasańyz; eger satýshy sizge jeke qujattaryn jiberse, odan beıneqońyraý arqyly baılanysýyn surańyz; taýardyń qoljetimdi ekenine kóz jetkizińiz; eshqashan beıtanys adamdarǵa jeke derekterińizdi, bank kartasynyń nómirlerin jáne kodtardy jibermeńiz.
