Bas-aıaǵy bir táýliktiń ishinde eki birdeı bylǵary qolǵap sheberi Jánibekti jekpe-jekke shaqyrdy. Alǵashqy bolyp Djımmı Kellı ún qatty. 31 jastaǵy Ulybrıtanııanyń týmasy 11 jyldan asa ýaqyt aralyǵynda 30 ret rıngke shyǵyp, úsh ret qana jeńilis tapty. Onyń tek Lıam Smıt, Dennıs Hogan jáne Haıme Mýngııaǵa áli jetpedi. 10 kezdesýdi Kellı merziminen buryn aıaqtady. BAQ ókilderine bergen suhbatynda ol «Byltyr men Qanat Islamdy jeńgen edim. Endi taǵy bir qazaqty sabaýǵa shama-sharqym jetedi», dep kópire sóıledi.
Kóp keshikpeı Tumandy Albıon eliniń taǵy bir ókili Taıler Dennıdiń daýysyn estidik. Ol da bul jekpe-jekte óziniń jeńiske jetetinine senimdi. 32 jastaǵy boksshy 2006 jyldan beri kásipqoılar arasynda kúsh synasýda. Sol kezden beri 22 kezdesý ótkizip, 17 ret jeńiske jetti. Eki ret utylyp, taǵy úsh básekede teń esep tirkeldi.
