Dinı saýatyn arttyrdy

Almaty qalasy Din ister jónindegi basqarmasynyń qoldaýymen, «Adam jáne qoǵam» qoǵamdyq uıymynyń uıymdastyrýymen memlekettik organ­darynyń qyzmetkerlerine dinı ekstremızm men terrorızmniń aldyn alý boıynsha din, zańnama, normatıvtik-quqyqtyq aktiler jáne memlekettik baǵdarlamalar salasyndaǵy biliktilik pen bilim deńgeılerin arttyrý maqsatynda «Dinı ekstremızm men terrorızmniń aldyn alý» taqyrybynda semınar ótti.

Eki kúndik semınar barysynda Nur-Múbarak Egıpet ıslam mádenıeti ýnıversıtetiniń oqytýshysy, teolog Saltan Sáken «Ǵalamtor keńistiginde júrgiziletin kúmándi dinı nasıhattyq jumys­tar máselesi jáne olarmen kúre­sýdiń joldary», fılosofııa ǵy­lymdarynyń kandıdaty, Ál-Fa­rabı atyndaǵy QazUÝ-dyń aǵa oqytýshysy Janna Qańtarbaeva «Qazaqstandaǵy neoıslamdyq aǵym­dar: erekshelikteri men dindi taratý ádisteri» taqyryptarynda taldaý jasady. Sonymen qatar oqý baǵdarlamasy aıasynda Prezıdent ja­­nyndaǵy Memlekettik basqarý aka­demııasynyń professory Mánshúk Qusaıynova, Nur-Mú­barak Egıpet ıslam mádenıeti ýnı­ver­sıteti, Dinı ekstremızmge qarsy is-qımyl ortalyǵynyń dırektory Tımýr Núsiphanuly trenıng ótkizip, tájirıbelerimen bólisti.

Semınar sońynda qatysýshylarǵa arnaıy sertıfıkattar berildi.

ALMATY