Sybaılas jemqorlyqqa qarsy qyzmettiń resmı ókili Arman Tileýkenov Astananyń otyn-energetıka kesheni jáne kommýnaldyq sharýashylyq basqarmasy basshysy ne úshin ustalǵanyn málimdedi.
– Sheneýnik jeke kompanııa basshysynan saıajaı túrinde úlken kólemde para aldy degen kúdikke ilindi. Bul para Astananyń káriz tazartý qurylystaryn salý boıynsha jumystardy jetkizýshini aıqyndaý kezinde jeke uıymnyń múddelerin qorǵaǵany úshin alynǵan, – dedi Tileýkenov.
Sot sheneýnikti tutqyndaý jóninde sheshim qabyldady.
Buǵan deıin Astanada otyn-energetıka kesheni jáne kommýnaldyq sharýashylyq basqarmasynyń basshysy Marsel Uzaqov ustalyp, qamaýǵa alynǵany resmı málim bolǵan edi.
