Oblys ákiminiń baspasóz qyzmeti
20 mıllıonynshy sábıdiń anasy men ákesine arnaıy barǵan Túrkistan oblysynyń ákimi Darhan Satybaldy Memleket basshysynyń quttyqtaýyn tabys etti.
«Qasıetti Túrkistan óńirinde Qazaq eliniń 20 mıllıonynshy turǵyny týǵanyna óte qýanyshtymyz. Biz batyr analarymyzben maqtanamyz. Jyl saıyn respýblıkamyzda dúnıege keletin 400 myńnan astam balanyń árbir jetinshisi Túrkistan oblysynda dúnıege keledi. Búginde oblys halqynyń sany 2 mıllıonnan asty. Túrkistan óńiri elimizde adam kapıtalyn kóbeıtýge aıryqsha úles qosyp keledi. Bul – elimiz úshin, biz úshin maqtanysh. Sizder búgin tarıhqa enip otyrsyzdar. Gúlmıra Beısenbaıqyzy qaryndasymyzdy, Erǵalı Asqaruly baýyrymyzdy shyn júrekten quttyqtaımyn. Álimhan batyrymyzdyń densaýlyǵy myqty, ómir jasy uzaq bolsyn», dedi oblys ákimi. Álimhan ákesi Erǵalı Shákenov pen anasy Iztileýova Gúlmıranyń tórtinshi balasy. Salmaǵy – 3400 gramm, boıy – 51 sm.
Túrkistan oblysy – Qazaqstannyń demografııasyna orasan úles qosyp kele jatqan aımaq. Byltyrǵy jyly bul oblysta 57 429 bala ómirge kelse, bıyl jyl basynan beri 45 594 sábı jaryq dúnıe esigin ashty, olardyń biri – 20 mıllıonynshy turǵyn Álimhan Erǵalıuly. Byltyr Túrkistan oblysynda 15 úshem, 594, al bıyl osy ýaqytqa deıin 5 úshem, 500 egiz bala ómirge kelgen. Oblysta 177 myńnan asa turǵyn kópbalaly ana statýsyna ıe. 15 myńnan joǵary ananyń «Altyn alqasy» bar. 43 myńnan astam ana «Kúmis alqa» ıegeri. 14 qarasha kúni Túrkistan oblysyndaǵy 22 perzenthanada 139 bala ómirge kelgen. Bıylǵy jyly aımaqta 8 475 jup nekege turǵan.
