16 jastaǵy Sofıa Máskeýde dúnıege keldi. Mánerlep syrǵanaýmen bes jasynan aınalysady. Ár jyldary Lıllııa Bıktagırova, Sergeı Davydov, Aleksandra Kravovadan tálim aldy. Bul kúnderi ol Olımpıadanyń eki dúrkin chempıony jáne eki dúrkin kúmis júldegeri, álemniń úsh jáne Eýropanyń jeti dúrkin chempıony Evgenıı Plıýshenkonyń qol astynda jattyǵyp júr. Samodelkına – jastar arasynda Slovenııa Gran-prıi men Reseı birinshiliginiń kúmis júldegeri, el kýbogi men Birinshi arna kýboginiń ıegeri, Reseı Gran-prıi men Denıs Ten memorıalynyń jeńimpazy.
Qazirgi kezde osy máselege baılanysty otandyq mamandardyń pikiri ekige jaryldy. Bireýler «kelimsekterdiń bizge qajeti joq» dese, endi bireýler «asa daryndy jas Qazaqstan sportynyń abyroıyn asqaqtatýǵa ózindik úles qosatyny anyq» dep oǵan barynsha qoldaý bildirip jatyr.
