Saraptamalyq keńes – erikti negizde jumys isteıtin konsýltatıvtik-saraptamalyq fýnksııalary bar konsýltatıvtik-keńesshi organ. Keńes quramyna belgili qoǵam qaıratkerleri, quqyq qorǵaýshylar, zańgerler, qoǵamdyq pikir kóshbasshylary, advokattar, ǵalymdar, zertteýshiler jáne basqa da belsendi azamattar kiredi.
Kezdesýge qatysýshylardy Adam quqyqtary jónindegi ýákili Artýr Lastaev quttyqtap, elimizdegi ýákil ınstıtýtynyń damý tarıhyna toqtalyp ótti, sondaı-aq azamattardan kelip túsip jatqan ótinishteriniń kóbeıgeni jaıynda aqparatpen bólisti.
«Bıylǵy 9 aıda ortalyq apparattaǵy jáne óńirlerdegi jeke qabyldaýlarǵa 1 800-den astam adam qatysty. 4,5 myńǵa jýyq jazbasha ótinish qaraldy. Bul 2022 jylmen salystyrǵanda eki ese, 2021 jylmen salystyrǵanda úsh ese kóp. Nebári 9 aıda biz 16 myńǵa jýyq adamdy quqyqtyq aǵartý is-sharalarymen qamtydyq», dedi A.Lastaev.
Ombýdsmen shaǵymdardyń artýyna túrtki bolǵan birneshe sebepke de jan-jaqty toqtaldy. «Árıne, muny biz azamattardyń quqyq qorǵaýdyń jańa mehanızminen habardar bolýymen baılanystyramyz. Ekinshi jaǵynan, shaǵymdardyń kóbeıýi azamattardyń memlekettik organdar jumysyna qanaǵattanbaýynyń kórinisi bolyp sanalady. Sondyqtan naqty máselelerdi sheshýge kómektesip qana qoımaı, adam quqyqtary salasyndaǵy júıeli túıtkilderdi tarqatý baǵytynda da jumys isteý qajet», dedi ol.
Jıynda sóz alǵan Adam quqyqtary jónindegi ulttyq ortalyqtyń basshysy Saltanat Tursynbekova Adam quqyqtary jónindegi ýákildiń quzyreti keńeıte otyryp, Saraptamalyq keńestiń analıtıkalyq rólin kúsheıtý qajettigin atap ótti. «Biz ony naǵyz «jaýyngerlik ázirlik» deńgeıine shyǵarýymyz kerek, osylaısha azamattarymyzdyń quqyqtaryn profılaktıkalyq qorǵaýdyń tıimdi organyna aınaldyra alamyz. Saraptamalyq keńes quramyna jas, belsendi jáne shyǵarmashyl sarapshylar, óz salalarynyń bilikti ókilderi kirgenin atap ótken jón. Olardyń qyzmeti osy organnyń bolashaqtaǵy bedeline áser etetini sózsiz. Bul rette, árıne, olar tájirıbeli quqyq qorǵaýshylarmen jemisti yntymaqtastyqta jumys isteıtin bolady, biz Saraptamalyq keńesti basqalarmen qatar tálimgerlik ınstıtýt retinde kóremiz. Mol tájirıbeni jańa tásildermen biriktirý keńestiń maksımaldy tıimdiligi bolýy múmkin», dedi ortalyq basshysy.
Spıkerdiń aıtýynsha, keńestiń barlyq múshesi únemi ózekti máselelerdi kóterip otyrady, sondyqtan da olar qoǵamda úlken senimge ıe. Sondaı-aq Saltanat Tursynbekova Adam quqyqtary jónindegi ulttyq ortalyqta aqparattyq-taldaý bólimshesi qurylyp jatqanyn, onyń mindetteriniń biri Saraptamalyq keńespen ózara is-qımylǵa negizdelgenin aıtty.
Alǵashqy otyrys barysynda qatysýshylar aldaǵy jumys pen mańyzdy uıymdastyrý máselelerin talqylady. Saraptamalyq keńestiń 5 mamandandyrylǵan bólimi de anyqtaldy. Olar – Azamattyq jáne saıası quqyqtar men adamnyń bostandyqtary máseleleri; Adamnyń áleýmettik, ekonomıkalyq jáne mádenı quqyqtary máseleleri; Teńdik, birlik jáne zorlyq-zombylyqtyń barlyq túrlerinen qorǵaý máseleleri boıynsha; Quqyq qorǵaý ınstıtýttaryn jetildirý, quqyqtyq bilim berý, bilim berý jáne zańgerlik keńes berý jáne Halyqaralyq yntymaqtastyq jáne halyqaralyq mindettemeler men sharttyq jáne BUU júıesiniń basqa organdarynyń, adam quqyqtary salasyndaǵy basqa da halyqaralyq uıymdardyń usynymdaryn oryndaý máseleleri boıynsha bólimder.
